လက်ရှိအသင်းအား ၂၀၁၈ ကမ္ဘာ့ဖလားပြိုင်ပွဲတွင် ဒုတိယရခဲ့သည့်အသင်းနှင့် မနှိုင်းယှဉ်သင့်ဟု ခရိုအေးရှားနည်းပြ ဒါလစ်ဆို

ခရိုအေးရှားနည်းပြ ဒါလစ်က လက်ရှိ ၂၀၂၂ ကမ္ဘာ့ဖလားပြိုင်ပွဲဝင် အသင်းကို ၂၀၁၈ ကမ္ဘာ့ဖလားပြိုင်ပွဲတွင် ဒုတိယရခဲ့သည့်အသင်းနှင့်မနှိုင်း ယှဉ်သင့်ကြောင်း ပြောကြားခဲ့သည်။ 

ခရိုအေးရှားအသင်းသည် ၂၀၁၈ ကမ္ဘာ့ဖလားတွင် ဒုတိယရခဲ့သော်လည်း ယခုကမ္ဘာ့ဖလားအုပ်စုအဖွင့်ပွဲတွင် မော်ရိုကိုအသင်းနှင့် ဂိုးမရှိသရေကျခဲ့သည်။ 

ဒါလစ်က “ဒါက နောက်ထပ် ပြိုင်ပွဲတစ်ခုပါ။ (၄) နှစ်ခွဲကြာသွားပါပြီ။ လက်ရှိခရိုအေးရှားက အသင်းသစ်တစ်သင်းဖြစ်ပြီး  ကျွန်တော်တို့ တန်ဖိုးကို ကျွန်တော်တို့ သိပါတယ်။ ကျွန်တော်လုပ်နိုင်တာကိုလည်း ကျွန်တော်တို့သိပြီး အစွမ်းကုန်ကြိုးစားသွားမှာဖြစ်ပါတယ်”ဟု ပြောကြားခဲ့သည်။ 

ခရိုအေးရှားအသင်းသည် ယနေ့ညတွင် ကမ္ဘာ့ဖလားအုပ်စု ဒုတိယပွဲစဉ်အဖြစ် ကနေဒါအသင်းနှင့် ကစားရမည်ဖြစ်သည်။