တော့တင်ဟမ် ဟော့စပါး အသင်း နည်းပြကြီး ဟိုဆေး မော်ရင်ဟို က ဘိုင်ယန် မြုးနစ် ရဲ့ စွယ်စုံရ ကစား သမား ဂျိူရှုအာ ကင်မစ်ချ် ဟာ တကယ့် ကမ္ဘာ့ အဆင့် ကစား သမား တစ်ဦး ဖြစ်ပြီး ကွင်းထဲက ဘယ်လို နေရာမှာ မဆို ထိပ်တန်း အဆင့် အရည် အသွေး နဲ့ ကစားပုံတွေကို ပြသ နိုင်သူ ဖြစ်တယ် လို့ ချီးကျုး ပြောဆို သွားခဲ့ ပါတယ် ။ မော်ရင်ဟို ဟာ ဒီရာသီ ကင်မစ်ချ် ရဲ့ ကစားပုံတွေ ကို သေချာ လေ့လာ အကဲခတ် ခဲ့ပြီး ဂျာမန်သား ရဲ့ ပြောင်မြောက်တဲ့ အရည်အသွေး တွေကို သတိပြု မှတ်သား ထားနိုင်ခဲ့ ပါတယ် ။
ကင်မစ်ချ် ဟာ ဘိုင်ယန်မြူးနစ် ရဲ့ အဓိက ကစား သမား တစ်ဦး ဖြစ်ပြီး လိုင်ယွန် အသင်းကို အနိုင် ရခဲ့တဲ့ ဆီမီး ဖိုင်နယ် ပွဲစဉ်မှာ အကောင်းဆုံး ခြေစွမ်းပြ ကစား သွားခဲ့ ပါတယ် ။ မော်ရင်ဟို ကတော့ ကင်မစ်ချ် ရဲ့ နေရာစုံ ကစား နိုင်တဲ့ အရည် အသွေးကို အလွန် သဘော ကျနေ ခဲ့ပြီး မကြာခင် မှာ ကမ္ဘာ့ အကောင်းဆုံး ကစား သမား တစ်ဦး ဖြစ်လာ လိမ့်မယ်လို့ ညွှန်းဆို သွားခဲ့ ပါတယ် ။
“သူ့ကို ထိပ်တန်း ညာ နောက်ခံလူ ၊ ထိပ်တန်း ဘယ် နောက်ခံလူ ၊ ခံစစ်မှူး ၊ နံပါတ် ၆ ၈ ၁၀ ပုံစံမျိုးတွေ နဲ့ ကျွန်တော် မြင်ခဲ့ရ ပြီးပါပြီ ။ ဘယ်လို နေရာမှာ မဆို သူ့ရဲ့ အရည် အသွေး ကို အကောင်းဆုံး ပြသနိုင် ခဲ့ ပါတယ် ။ တကယ့် ထိပ်တန်း ကစား သမားပါပဲ”
“သူ့ကို မြင်ရတာ ကျွန်တော့ကိုယ် ကျွန်တော် ပြန်မြင် ရသလိုပါပဲ ။ ဘောလုံး နဲ့ ပတ်သက်ပြီး ဉာဏ်ပြေးတယ် ၊ ပွဲရဲ့ အခြေအနေ အခိုက် အတန့်တွေ ကို နားလည်ပြီး အကူး အပြောင်း တွေ မှာ ဘာလုပ် ရမယ် ဆိုတာကို ကောင်းကောင်း ဆုံးဖြတ် တက်ပါတယ် ။ သူ ရှိနေဖို့ လိုအပ် တဲ့ နေရာမှာ အမြဲ ရှိနေတတ်သူပါ” လို့ DAZN သတင်း ဌာန နဲ့ အင်တာဗျုး မှာ ပြောဆို သွားခဲ့ တာ ဖြစ်ပါတယ် ။
ကင်မစ်ချ် ဟာ ဘိုင်ယန်မြုးနစ် နဲ့ အတူ လာမယ့် တနင်္ဂနွေနေ့ ည မှာ ချန်ပီယံလိဂ် ဗိုလ်လုပွဲ အဖြစ် ပြင်သစ် ထိပ်သီး ကလပ် PSG နဲ့ ယှဉ်ပြိုင် ကစား ရမှာ ဖြစ်ပါတယ် ။ ဘိုင်ယန် ဟာ ၆ ကြိမ်မြောက် ချန်ပီယံ လိဂ် ဖလား အတွက် ရည်မှန်း ထားပြီး ကင်မစ်ချ် လို ကစား သမားမျိုး ပိုင်ဆိုင် ထားတဲ့ ဘိုင်ယန် ဟာ PSG ထက် နှာတဖျား အသာ ရနေတယ်လို့ သုံးသပ် သွားခဲ့ ပါတယ် ။
“ဘောလုံး မှာ အသင်းက တစ်ဦး တစ်ယောက်ချင်းထက် ပိုပြီး အရေးပါ ပါတယ် ။ ဒါပေမယ့် တကယ့် အဆုံး အဖြတ် အခိုက်အတန့် တွေမှာ တော့ တစ်ဦး တစ်ယောက် ချင်း အရည် အသွေးက ပိုပြီး အဓိက ကျတာပါ ။ ဘိုင်ယန် မှာ ရောဘတ် ( လီဝန်ဒေါ့စကီး ) ၊ မန်နူရယ် ( နူအာ ) တို့လို ကစား သမားတွေ ၊ ကင်မစ်ချ် တို့လို လူငယ် ခြေတက်တွေ ပါနေပါတယ်”
“PSG မှာလည်း ဘာပေ ၊ ဒီမာရီယာ ၊ နေမာ တို့ နဲ့ ကစား သမား အစုံ ပါပဲ ။ ဒီပွဲ ဟာ သေးငယ်တဲ့ အမှားလေး တွေ ကနေ ပေးဆပ်မှု ကြီးမား သွားစေ မှာပါ” လို့ မော်ရင်ဟို က သုံးသပ် ပြောဆို သွားခဲ့ ပါတယ် ။
