ဂျူဗင်တပ်စ်အသင်းသည် တိုက်စစ်မှူးဟောင်း စီရော်နယ်လ်ဒိုကို ကိုဗစ်ကပ်ဘေးကာလအတွင်း အများသိအောင်ကြေညာထားသည့် လစာငွေမဟုတ်ဘဲ နှစ်ဦးသဘောတူညီချက်ဖြင့် တရားမဝင်လစာပေးခဲ့ကြောင်း စစ်ဆေးတွေ့ရှိခဲ့သည်။
ပြီးခဲ့သည့်နှစ်အတွင်းမှ စတင်၍ ဂျူဗင်တပ်စ်အသင်း ဘဏ္ဍာရေးအခြေအနေနှင့် ငွေကြေးမသမာမှုများပြုလုပ်ခဲ့ကြောင်း အီတလီအာဏာပိုင်များ စစ်ဆေးတွေ့ရှိခဲ့ပြီး ယခုအခါ အဆိုပါစစ်ဆေးမှု၏ တစ်စိတ်တစ်ပိုင်းအဖြစ် စီရော်နယ်လ်ဒိုဖြစ်ရပ် ထွက်ပေါ်လာခြင်းဖြစ်သည်။
ဂျူဗင်တပ်စ်အသင်းသည် ကိုဗစ်ကပ်ဘေးကာလအတွင်း ကစားသမားများ၏ လစာငွေ လျှော့ချခြင်း၊ ရပ်ဆိုင်းခြင်းများရှိခဲ့သော်လည်း စီရော်နယ်လ်ဒိုအတွက် အထူးသဘောတူညီမှုဖြင့် ဆောင်ရွက်ခဲ့ခြင်းဖြစ်သည်။
စီရော်နယ်လ်ဒိုထံ ဂျူဗင်တပ်စ်အသင်းက တရားဝင်မှတ်တမ်းတင်ထားခြင်းမရှိဘဲ ယူရိုသန်း (၂၀)နီးပါးပေးခဲ့ကြောင်း အီတလီအစိုးရရှေ့နေများ စစ်ဆေးတွေ့ရှိခဲ့ခြင်းလည်းဖြစ်သည်။
