ဘာစီလိုနာအသင်းအသင်းသည် လာမည့်ဇန်နဝါအပြောင်းအရွှေ့ကာလတွင် ပရီးမီးယားလိဂ်ကလပ် ဝုလ်ဗ်အသင်းမှ ပေါ်တူဂီလက်ရွေးစင်ကွင်းလယ်လူ ရူဘင်နေးဗက်စ် (၂၅ နှစ်)အားခေါ်ယူရန် ဝုလ်ဗ်အသင်းနှင့် အကြိုသဘောတူညီမှုရခဲ့ပြီးဖြစ်ကြောင်း စပိန်မီဒီယာများကဖော်ပြခဲ့ကြသည်။
စပိန်အားကစားသတင်းစာ Sport ၏ဖော်ပြချက်အရ ဘာစီလိုနာအသင်းနှင့် ဝုလ်ဗ်အသင်းတို့သည် နေးဗက်စ်၏ အပြောင်းအရွှေ့အတွက် ဆွေးနွေးပြီးဖြစ်ကြောင်းနှင့် လာမည့်ဇန်နဝါရီတွင် ဘာစီလိုနာအသင်းထံ အငှားဖြင့်စေလွှတ်မည်ဖြစ်ပြီး ယူရို သန်း (၅၀)ဖြင့် အပြီးသတ်ဝယ်ယူခွင့် ပါရှိကြောင်း သိရသည်။
ဘာစီလိုနာအသင်းသည် ပြီးခဲ့သည့် နွေရာသီအပြောင်းအရွှေ့ကာလအတွင်းက လီဝန်ဒေါစကီး၊ ခွန်ဒဲ၊ ကက်ဆီး၊ ရာဖင်ညာ၊ ခရစ္စတန်ဆင်တို့ အပါဝင် ကစားသမားသစ်ခေါ်ယူထားသော်လည်း ၎င်းတို့အနာဂတ်အစီအစဉ်များအတွက် ကစားသမား ခေါ်ယူမှုများ ဆက်လက်လုပ်ဆောင်ရန် စီစဉ်နေခြင်း ဖြစ်ကြောင်း Sport ကဖော်ပြခဲ့သည်။
နေးဗက်စ်သည် လက်ရှိပရီးမီးယားလိဂ်၏ အကောင်းဆုံးကွင်းလယ်ကစားသမားများထဲတွင် တစ်ဦးအပါအဝင်ဖြစ်သလို ၎င်းအားခေါ်ယူရန်အတွက် မန်ယူ၊ အာဆင်နယ်နှင့် စပါးတို့ကလည်း စိတ်ဝင်စားနေကြောင်းသိရသည်။
အားခေါ်ယူရန် ဝုလ်ဗ်အသင်းနှင့် အကြိုသဘောတူညီမှုရခဲ့ပြီးဖြစ်ကြောင်း စပိန်မီဒီယာများကဖော်ပြခဲ့ကြသည်။){kind=link}