ချယ်လ်ဆီးအသင်းခေါင်းဆောင် စပိန်နောက်ခံလူ အက်ဇ်ပီလီကွယ်တာက ကမ္ဘာ့ဖလားပြိုင်ပွဲမတိုင်မီ ယှဉ်ပြိုင်ကစားရမည့် ပွဲစဉ်ဇယားအပေါ် ဝေဖန်ပြစ်တင်မှုပြုလုပ်ခဲ့ကြောင်းသိရသည်။
၂၀၂၂ ကမ္ဘာ့ဖလားပြိုင်ပွဲကို နိုဝင်ဘာလမှ ဒီဇင်ဘာလအတွင်း ကျင်းပမည်ဖြစ်သောကြောင့် ကလပ်အသင်း ပြိုင်ပွဲများကို ယင်းမတိုင်မီ ဆက်တိုက်ယှဉ်ပြိုင်ကစားနေရသည်။ ထို့ကြောင့် ဒဏ်ရာပြဿနာများလည်း ရှိလာသည့် အတွက် အက်ဇ်ပီလီကွယ်တာက ဝေဖန်ခဲ့ခြင်းလည်းဖြစ်သည်။
၎င်းက “ကမ္ဘာ့ဖလားပြိုင်ပွဲ ကစားချင်နေတဲ့ ကစားသမားတွေအတွက် ဒါဟာ ခက်ခဲတဲ့ အခြေအနေပါ။ အားလုံးက ကလပ်အသင်းမှာ အကောင်းဆုံးဖြစ်အောင်ကြိုးစားပြီး လက်ရွေးစင်အသင်းမှာ ရွေးချယ်ခံရဖို့ တိုက်ပွဲဝင်နေကြရတာပါ။ ပွဲစဉ်ဇယားက ရူးချင်စရာဖြစ်နေပါတယ်။ ကစားသမား(၅)ဦး လူစားလဲခွင့်ရနေပေမဲ့ ဒဏ်ရာပြဿနာကြောင့် အလှည့်ကျကစားဖို့တောင် ခက်ပါတယ်” ဟုဆိုခဲ့သည်။
