လာဇီယိုအသင်းသည် မိမိတို့အသင်းထံ ပြောင်းရွှေ့ရန်နီးစပ်ပြီးမှ ဆိုစီဒက်အသင်းသို့ ပြောင်းရွှေ့သွားသော ဒေးဗစ်ဆေးလ်ဗားနှင့် ပတ်သက်၍ စကားလုံး(၂၁)လုံးသာ ပါဝင်သော ကြေညာချက်တစ်ခုကို အသင်းဝက်ဘ်ဆိုက်မှ တစ်ဆင့် ထုတ်ပြန်ခဲ့ကြောင်း သိရသည်။
လာဇီယိုအသင်းသည် ဒေးဗစ်ဆေးလ်ဗား၏ အပြုအမူအပေါ် အလွန်ဒေါသထွက်နေပြီး အားကစားဒါရိုက်တာ တာရေးက အလွန်တိုတောင်းသည့် ကြေညာချက်တစ်ခု ထုတ်ပြန်ရန် စေခိုင်းခဲ့ခြင်းဖြစ်သည်။ ” ဒေးဗစ်ဆေးလ်ဗား ဆိုစီဒက်အသင်းဆီ ပြောင်းရွှေ့သွားပြီဆိုတာ ကျွန်တော်တို့ လေ့လာတွေ့ရှိရပါတယ်။ ကျွန်တော်တို့ သူ့ကို ကစားသမားတစ်ဦးအနေနဲ့ အလွန်လေးစားပါတယ်။ ဒါပေမဲ့ လူတစ်ယောက်အနေနဲ့တော့ ဒီလိုမဟုတ်ပါဘူး”ဟု အဓိပ္ပာယ်ရသည့် စာသားကို ရေးတင်ခဲ့ခြင်းဖြစ်သည်။
ဒေးဗစ်ဆေးလ်ဗား၏ ဖခင်ဖြစ်သူက သားဖြစ်သူဘက်မှ ကာကွယ်ခဲ့ပြီး ဆေးလ်ဗားနှင့် လာဇီယိုအသင်းတို့ကြားတွင် သဘောတူညီမှု ရရှိထားခြင်းမရှိသေးကြောင်း၊ လာဇီယိုဘက်က တု့ံပြန်မှုမှာ ဆိုးရွားလွန်းကြောင်း Radio Marca Donostia မှ တုံ့ပြန်ခဲ့သည်။
