ခရစ္စတယ်ပဲလေ့စ်အသင်းသည် ၂၀၁၉ ခုနှစ်က မန်ယူအသင်းထံ ပေါင်သန်း (၅၀) ဖြင့် ရောင်းချခဲ့သည့် အင်္ဂလန်နောက်ခံလူ ဝမ်ဘစ်ဆာကာအား ပေါင် (၁၀) သန်းဖြင့် ပြန်လည်ခေါ်ယူရန် စိတ်ဝင်စားနေကြောင်း သိရသည်။
အသက် (၂၄) နှစ်အရွယ်ရှိ ဝမ်ဘစ်ဆာကာသည် မန်ယူအသင်းသို့ စတင်ရောက်ရှိခဲ့သည့် ၂၀၁၉-၂၀ ရာသီတွင် ခြေစွမ်းပြကစားနိုင်ခဲ့သော်လည်း နောက်ပိုင်းနှစ်များတွင် ခြေစွမ်းပြနိုင်ခြင်းမရှိသည့်အတွက် အသင်းပရိသတ်များ၏ ဝေဖန်ခြင်းကို ခံနေရသူဖြစ်ပြီး ပြီးခဲ့သည့် ရာသီက ပြိုင်ပွဲစုံ (၂၆) ပွဲသာ ကစားခွင့်ရခဲ့သည်။
လက်ရှိနည်းပြ တန်ဟက်ဂ်သည် ၎င်းအား နှစ်သက်ခြင်းမရှိဘဲ ရောင်းထုတ်ရန်စီစဉ်နေရာ ပဲလေ့စ်အသင်းက ပြန်ခေါ်ရန်စိတ်ဝင်စားနေသော်လည်း ပေါင် (၁၀)သန်းသာ ပေးလိုကြောင်းသိရသည်။
