နိုက်စ်အသင်းသည် လက်စတာအသင်းမှ ဒိန်းမတ်ဂိုးသမား ကက်စ်ပါရှမိုက်မယ်ကို ခေါ်ယူရန် သဘောတူညီမှုရရှိခဲ့ကြောင်း သိရသည်။
လက်စတာအသင်းသည် (၁၁)နှစ်ကြာ လက်တွဲခဲ့သည့် ကက်စ်ပါရှမိုက်ကယ်(၃၅ နှစ်)ကို လမ်းခွဲရန် ဆုံးဖြတ်လိုက်ပြီဖြစ်သည့်အတွက် နိုက်စ်အသင်းက ခေါ်ယူရန် ကြိုးပမ်းခဲ့ရာ သဘောတူညီမှု ရရှိခဲ့ခြင်းဖြစ်ကြောင်း သိရသည်။
ဗြိတိန်မီဒီယာများ၏ အဆိုအရ ဆေးစစ်မှုပြုလုပ်ရန်သာ ကျန်ရှိတော့ပြီး ယခုရက်ပိုင်းအတွင်း အပြီးသတ်စာချုပ် ချုပ်ဆိုနိုင်တော့မည်ဟု သိရသည်။
ကက်စ်ပါရှမိုက်ကယ်သည် လက်စတာအသင်းနှင့် ပရီးမီးယားလိဂ်ချန်ပီယံဆု ရယူနိုင်ခဲ့သူဖြစ်သည်။
