စတာလင်ကဲ့သို့ ထိပ်တန်းကစားသမားများကို ထပ်မံခေါ်ယူနိုင်ခြင်းမရှိပါက ပရီးမီးယားလိဂ်ချန်ပီယံဆုအတွက် အခွင့်အရေးမရှိနိုင်ဟု သောမတ်စ်တူဟယ်လ် ပြောကြား

ချယ်လ်ဆီးနည်းပြ သောမတ်စ်တူဟယ်လ်က စတာလင်ကဲ့သို့ ထိပ်တန်းကစားသမားများကို ထပ်မံခေါ်ယူနိုင်ခြင်းမရှိပါက ပရီးမီးယားလိဂ်ချန်ပီယံဆုအတွက် အခွင့်အရေးမရှိနိုင်ကြောင်း ပြောကြားခဲ့သည်။

သောမတ်စ်တူဟယ်လ်သည် နာပိုလီနောက်ခံလူ ကူလီဘလီအား သဘောတူညီမှု ရယူပြီးချိန်မှာပင် ယင်းသို့ ပြောကြားခဲ့ခြင်းလည်းဖြစ်သည်။

Sky Sports နှင့် တွေ့ဆုံရာတွင် တူဟယ်လ်က ” လောင်းကြေးတွေက မြင့်မားပါတယ်။ ကျွန်တော်တို့အနေနဲ့ ပရီးမီးယားလိဂ်မှာ အမြဲကစားနေတဲ့ အကောင်းဆုံးအသင်းတွေကိုသာမက အကောင်းဆုံးနည်းပြတွေကိုလည်း မယှဉ်ပြိုင်နိုင်ပါဘူး။ ကျွန်တော်တို့က အရေးယူခံရတဲ့အခြေအနေကနေ လာတာပါ။ အဓိက ကစားသမား၊ ထိပ်တန်းကစားသမားတွေကို ဆုံးရှုံးထားတဲ့ အခြေအနေကနေ လာတာပါ။ ကျွန်တော်တို့က ပိုင်ရှင်အပြောင်းအလဲဖြစ်ထားတဲ့အသင်းတစ်သင်းပါ။ ကျွန်တော်တို့က အပြောင်းအရွှေ့ပြိုင်ဆိုင်မှုရဲ့ နောက်မှာဖြစ်ပြီး အမှတ်ပေးဇယားမှာလည်း နောက်မှာပါပဲ။ ဒါကြောင့် ကျွန်တော်တို့ တိုးတက်ဖို့ လိုပါတယ်။ စတာလင်ကို ခေါ်ယူလိုက်တာက ကျွန်တော်တို့ရဲ့ လုပ်နိုင်စွမ်းကိုရော အသင်းပိုင်ရှင်နဲ့ အသင်းက ဘယ်လိုရည်မှန်းထားတယ်ဆိုတာကိုလည်း ပြသရာရောက်ပါတယ်။ ဒါပေမဲ့ ကျွန်တော်တို့ အရည်အသွေးရှိတဲ့ ကစားသမားသစ်တွေ ထပ်ခေါ် ဖို့ လိုအပ်ပါတယ်။ အဲဒီလို မလုပ်နိုင်ရင် ပရီးမီးယားလိဂ်ချန်ပီယံဆုအတွက် အခွင့်အရေးမရှိနိုင်ပါဘူး”ဟု ပြောကြားခဲ့သည်။

သောမတ်စ်တူဟယ်လ်သည် ကူလီဘလီကို ခေါ်ယူနိုင်ခဲ့ပြီးဖြစ်သော်လည်း ဗဟိုခံစစ်သမားနှစ်ဦးကို ထပ်မံခေါ်ယူရန် စီစဉ်နေဆဲဖြစ်ပြီး ခံစစ်ပိုင်းကို အဓိကပြင်ဆင်သွားရန် ရည်ရွယ်ထားကြောင်း သိရသည်။