လီဗာပူးလ်တိုက်စစ်မှူးဟောင်း ဆောင်းဒါးစ်က အသင်းမှထွက်ခွာမည်ဟု သတင်းထွက်နေသည့် မာနေကို ကော်တင်ဟို၊ ဝိုင်နယ်လ်ဒမ်းတို့ကဲ့သို့ ဖြစ်သွားနိုင်သည်ဟု သတိပေးပြောကြားခဲ့သည်။
လီဗာပူးလ်အသင်းနှင့် ၂၀၂၃ ခုနှစ်တွင် စာချုပ်သက်တမ်းကုန်ဆုံးမည့် ဆီနီဂေါတိုက်စစ်ကစားသမား မာနေ (၃၀ နှစ်) သည် ယခုနွေရာသီတွင် ဘိုင်ယန်မြူးနစ်အသင်းသို့ ပြောင်းရွှေ့မည်ဟု သတင်းများထွက်ပေါ်နေသည်။
ဆောင်းဒါးစ်က “သူက အရမ်းကောင်းတဲ့အသင်းရဲ့ကြယ်ပွင့်ကစားသမားပါ။ လီဗာပူးလ်မှာပဲ သူ ဆက်နေသင့်ပါတယ်။ အသင်းပြောင်းမယ်ဆိုရင် ကော်တင်ဟို၊ ဝိုင်နယ်လ်ဒမ်းတို့လို ဖြစ်သွားနိုင်ပါတယ်” ဟုဆိုခဲ့သည်။
