ဂျူဗင်တပ်စ်အသင်းနည်းပြ အယ်လီဂရီက မိမိကို ကြောက်ရွံ့သဖြင့် ဂျူဗင်တပ်စ်အသင်းသို့ ပေါ့ဘာ ပြန်မလာခြင်းဖြစ်ကြောင်း နောက်ပြောင်ပြောကြားခဲ့သည်။
မန်ယူအသင်းမှ ထွက်ခွာရန် နီးစပ်နေသည့် ပြင်သစ်ကွင်းလယ်လူ ပေါ့ဘာကို အသင်းဟောင်း ဂျူဗင်တပ်စ်က ခေါ်ယူရန်ကြိုးပမ်းနေပြီး လက်ရှိအချိန်တွင် တစ်နှစ်လစာယူရို (၇ .၅)သန်းဖြင့် ကမ်းလှမ်းထားသည်။
လက်ရှိအချိန်တွင် ဂျူဗင်တပ်စ်နှင့် ပေါ့ဘာ၏ ကိုယ်စားလှယ်များ ဆွေးနွေးမှုပြုလုပ်လျက်ရှိပြီးတိုးတက်မှုများရှိနေကြောင်း အီတလီမီဒီယာများက ဖော်ပြခဲ့သည်။
အယ်လီဂရီက ဂျူဗင်တပ်စ်အသင်းတွင် ပေါ့ဘာနှင့် ပထမအကြိမ် ဆုံတွေ့ခဲ့စဉ်က ဘက်စကတ်ဘောစိန်ခေါ်ပွဲ ပြုလုပ်ချိန်တွင် ပေါ့ဘာအရေးနိမ့်ခဲ့ခြင်းကို ရည်ရွယ်၍ ယခုလိုပြောကြားခဲ့ခြင်းလည်းဖြစ်သည်။
အယ်လီဂရီနှင့် ပေါ့ဘာတို့သည် ဂျူဗင်တပ်စ်အသင်းလေ့ကျင့်ရေးကွင်းတွင် ဘက်စကတ်ဘောစိန်ခေါ်ပွဲအဖြစ် လက်နှင့် ပစ်ထည့်ခြင်း ခြေထောက်ဖြင့်ကန်သွင်းခြင်းများပြုလုပ်ခဲ့ပြီး နှစ်မျိုးစလုံးတွင် ပေါ့ဘာ အရေးနိမ်ခဲ့ကြောင်း သိရသည်။
”ကျွန်တော့်ကို ကြောက်လို့ သူ ပြန်မလာတာပါ။ ကျွန်တော်တို့ရဲ့ ဘက်စကတ်ဘောစိန်ခေါ်ပွဲအဖြစ် လက်နဲ့ရော၊ ခြေထောက်နဲ့ရော ပြိုင်ခဲ့ပြီး နှစ်မျိုးစလုံး သူ ရှုံးခဲ့ပါတယ်။ ဒါကြောင့် ဂျူဗင်တပ်စ်ကနေ သူ ထွက်ပြေးခဲ့တာပေါ့” ဟု အယ်လီဂရီက ပြောကြားခဲ့သည်။
