လီဗာပူးလ်အသင်း၏နည်းပြ ယာဂန်ကလော့ပ်က ပရီးမီးယားလိဂ်ချန်ပီယံဆုနှင့် လွဲချော်ခဲ့ရသည့်အတွက် ချန်ပီယံလိဂ်ဖလားရယူရန် ပိုမိုစိတ်အားထက်သန်လာသည်ဟု ပြောကြားခဲ့သည်။
လီဗာပူးလ်အသင်းသည် ဖလား(၄)လုံးမျှော်လင့်ချက် ပျက်စီးသွားခဲ့ရသော်လည်း ပရီးမီးယားလိဂ်၌ မန်စီးတီးကို အရှုံးပေးခဲ့ရခြင်းမှာ ကစားသမားများအတွက် တွန်းအားဖြစ်စေကြောင်း ယာဂန်ကလော့ပ်က သုံးသပ်ခဲ့သည်။
၎င်းက “ချန်ပီယံလိဂ်ဗိုလ်လုပွဲအတွက်ပြင်ဆင်ဖို့ ကျွန်တော်တို့အတွက်ရက်အနည်းငယ်ရှိပါတယ်။ ပရီးမီးယားလိဂ်ပြိုင်ပွဲမှာ ကျရှုံးခဲ့ရတာက ချန်ပီယံလိဂ်ဖလားရယူချင်တဲ့ ကျွန်တော်တို့ရဲ့ စိတ်ဆန္ဒကို ပိုပြီးမြင့်တက်စေပါတယ်” ဟု ပြောကြားခဲ့သည်။
