မန်ယူအသင်း၏ လူငယ်ကြယ်ပွင့်တိုက်စစ်မှူး ရပ်ရှ်ဖို့ဒ်သည် လာမည့်ရာသီ၌ အသင်းနည်းပြသစ် ဖြစ်လာမည့် အဲရစ်တန်ဟက်ဂ်နှင့် စကားပြောခဲ့ပြီးနောက် မန်ယူအသင်းတွင် ပုံစံသစ်နှင့် ပြန်လည်စတင်ရန် မစောင့်နိုင်အောင်ဖြစ်နေကြောင်း သိရှိရသည်။
ရပ်ရှ်ဖို့ဒ်သည် မန်ယူအသင်းတွင် ပုံစံကောင်းပြသနိုင်ခဲ့ပြီး အသင်း၏အနာဂတ်အဖြစ် သုံးသပ်ခံခဲ့ရသော်လည်း လက်ရှိနည်းပြ ရန်းနစ်လက်ထက်တွင်မူ ပုံမှန်ကစားခွင့် ပျောက်ဆုံးလျက်ရှိပြီး အသင်းမှ ထွက်ခွာတော့မည်ဆိုသည့် သတင်းများလည်း ထွက်ပေါ်လျက်ရှိသည်။
သို့ရာတွင် မန်ယူအသင်းနည်းပြသစ်ဖြစ်လာမည့် တန်ဟက်ဂ်ကမူ ရပ်ရှ်ဖို့ဒ်ထံ ဆက်သွယ်ခဲ့ပြီး သူ၏ အနာဂတ်စီမံကိန်းများကို ရှင်းပြခဲ့သည်။
ရပ်ရှ်ဖို့ဒ်သည် မန်ယူအသင်း၏ အနာဂတ်စီမံကိန်းများတွင် ပါဝင်နေသေးသည်ဟု တန်ဟက်ဂ်က ရှင်းပြခဲ့ပြီး အသင်းမှ ထွက်ခွာရန် မစဉ်းစားသင့်ဟုလည်း ပြောကြားခဲ့သည်ဟု သတင်းရင်းမြစ်များက ဆိုသည်။
ယင်းအတွက် ရပ်ရှ်ဖို့ဒ်သည် တန်ဟက်ဂ်နှင့်အတူ စိတ်ဓာတ်သစ်၊ ပုံစံသစ်နှင့် ပြန်လည်စတင်ရန် မစောင့်နိုင်တော့ကြောင်း သိရှိရသည်။
