ချယ်လ်ဆီးနည်းပြ တူဟယ်လ်က မိမိသည် ရီးယဲလ်တိုက်စစ်မှူး ဘန်ဇီမာ၏ ပရိသတ်ဖြစ်ကြောင်း ရီးယဲလ်နှင့်ပွဲမတိုင်မီပြုလုပ်သည့် မီဒီယာတွေ့ ဆုံပွဲတွင် ပြောကြားခဲ့သည်။
ဘန်ဇီမာ (၃၄ နှစ်)သည် ယခုရာသီ ပြိုင်ပွဲစုံ (၃၆) ပွဲတွင် (၃၇) ဂိုး သွင်းယူထားသူဖြစ်သည်။
တူဟယ်လ်က ”လွန်ခဲ့တဲ့ (၂) နှစ်လောက်ကတော့ ဘန်ဇီမာဟာ under rated player ဖြစ်ခဲ့ပေမဲ့ အခုတော့ မဟုတ်တော့ပါဘူး။ သူဟာ ရီးယဲလ်အသင်းမှာ နံပါတ် (၉) ကစားသမားအဖြစ် နှစ်ပေါင်းများစွာ ကစားခဲ့ပြီး အသင်းကိုဆွဲတင်လေ့ရှိသူ ဖြစ်ပါတယ်။ ကျွန်တော်က သူ့ရဲ့ပရိသတ် ဖြစ်ပါတယ်”ဟု ပြောကြားခဲ့သည်။
