မန်ယူအသင်း၏ ပေါ်တူဂီကွင်းလယ်ကစား သမား ဘရူနိုဖာနန်ဒက်စ်သည် အသင်းနှင့် (၅) နှစ်သက်တမ်းတိုးစာချုပ် ချုပ်ဆိုရန် နီးစပ်နေပြီဖြစ်ကြောင်း သိရသည်။
ဘရူနိုဖာနန်ဒက်စ်(၂၇ နှစ်)သည် ၂၀၂၀ ခုနှစ်တွင် စပို့တင်းလစ္စဘွန်းအသင်းမှ မန်ယူအသင်းသို့ ရောက်ရှိခဲ့သူဖြစ်ပြီး ၂၀၂၅ ခုနှစ်အထိ စာချုပ်ချုပ်ဆိုခဲ့သည်။
မန်ယူအသင်းသည် လက်ရှိအချိန်တွင် ရလဒ်ကျဆင်းမှုများနှင့် ရင်ဆိုင်နေရသော်လည်း အသင်းအတွက် ခြေစွမ်းပြနိုင်သည့် ကစားသမားများထဲတွင် ပါဝင်သော ဘရူနိုဖာနန်ဒက်စ်ကို သက်တမ်းတိုးစာချုပ် ချုပ်ဆိုရန် စီစဉ်ခြင်းဖြစ်သည်။
မန်ယူအသင်းသည် လက်ရှိအချိန်၌ တစ်ပတ်ပေါင်(၁၀၀၀၀၀)ပေး ချေနေရသည့် ဘရူနိုဖာနန်ဒက်စ်ကို တစ်ပတ် ပေါင် (၂၅၀၀၀၀)အထိ တိုးမြှင့်ပေးပြီး စာချုပ်သစ် ပြင်ဆင်ချုပ်ဆိုရန် စီစဉ်နေခြင်းဖြစ်ကြောင်းလည်း သိရသည်။
စာချုပ်သစ်အရ ဘရူနိုဖာနန်ဒက်စ်သည် မန်ယူအသင်းတွင် တစ်နှစ်လစာ ပေါင်(၁၂)သန်း ရရှိသွားမည်ဖြစ်ပြီး စာချုပ်သစ်မှာ ၂၀၂၇ ခုနှစ်အထိ ရှိမည်ဖြစ်ကြောင်း သိရသည်။
မန်ယူအသင်းသည် လစာမြင့်မားစွာ ပေးချေနေရသည့် ကစားသမားအချို့နှင့် လမ်းခွဲရန် စီစဉ်နေခြင်းကြောင့် ဘရူနိုဖာနန်ဒက်စ်အပါအဝင် ကစားသမားအချို့ကို လစာနှုန်းထားအသစ်ဖြင့် သက်တမ်းတိုးရန် စီစဉ်နေခြင်းဖြစ်ကြောင်းလည်း Daily Mail က သုံးသပ်ဖော်ပြခဲ့သည်။
