မန်ယူနည်းပြ ရန်းနစ်က စပါးနှင့်ပွဲတွင် ဟက်ထရစ်သွင်းယူပြီး ခြေစွမ်းပြခဲ့သည့် ၀ါရင့်တိုက်စစ်မှူး စီရော်နယ်လ်ဒိုကို ချီးကျူးစကားဆိုခဲ့သလို၊ ပေါ်တူဂီသို့ အပတ်စဉ်ပြန်သင့်သည်ဟုလည်း ဟာသလုပ်နောက်ပြောင်ခဲ့သည်။
စီရော်နယ်လ်ဒိုသည် မန်ချက်စတာဒါဘီပွဲတွင် မပါဝင်ခဲ့ဘဲ ပေါ်တူဂီသို့ ရုတ်တရက်ပြန်သွားခဲ့ပြီးနောက် စပါးနှင့်ပွဲတွင် ခြေစွမ်းပြနိုင်ခဲ့သည့်အတွက် ရန်းနစ်က ယခုကဲ့သို့ ပြောကြားခဲ့ခြင်းလည်းဖြစ်သည်။
ရန်းနစ်က ”သူက ဂိုး(၃)ဂိုး သွင်းခဲ့ရုံတင်မဟုတ်ဘဲ အကောင်းဆုံးစွမ်းဆောင်ခဲ့တာပါ။ အနည်းဆုံး ကျွန်တော် ဒီကိုရောက်ကတည်းက အကောင်းဆုံးစွမ်းဆောင်ရည်ပါပဲ။ ကျွန်တော်တို့ ဟာသတောင်ပြောဖြစ်ပါတယ်။ ဒီလိုသာဆို သူ့ကို (၃) ရက်တစ်ခါလောက် ပေါ်တူဂီ ပြန်ခိုင်းသင့်တယ်လို့ပါ”ဟု ပြောကြားခဲ့သည်။
