ဆီနီဂေါအသင်းသည် ဖေဖော်ဝါရီလအတွက် ဖီဖာ၏ ကမ္ဘာ့အဆင့်သတ်မှတ်ချက်တွင် အဆင့်(၁၈)နေရာသို့ ရောက်ရှိလာခဲ့ကြောင်း သိရသည်။
ကမ္ဘာ့ဘောလုံးအဖွဲ့ချုပ်(ဖီဖာ)သည် ပြီးခဲ့သည့် ဒီဇင်ဘာလအတွင်းက ကမ္ဘာ့အဆင့်သတ်မှတ်ချက်များကို နောက်ဆုံးထုတ်ပြန်ခဲ့ပြီးနောက် ၂၀၂၂ ခုနှစ်အတွက် ပထမဆုံးအဆင့်သတ်မှတ်ချက်များကို ကြာသပတေးနေ့တွင် ထုတ်ပြန်ခဲ့ခြင်းဖြစ်သည်။
ဘယ်လ်ဂျီယံအသင်းက နံပါတ်(၁)နေရာတွင် ဆက်လက်ရပ်တည်ခဲ့သလို၊ ထိပ်ဆုံး(၁၀) သင်းစာရင်း၌ အပြောင်းအလဲမရှိခဲ့သော်လည်း အင်္ဂလန်အသင်းက အဆင့်(၅)နေရာသို့ရောက်ရှိပြီး အာဂျင်တီးနားက အဆင့်(၄) နေရာသို့ တက်လှမ်းလာခဲ့ကြောင်း သိရသည်။
အာဖရိကနိုင်ငံများဖလားချန်ပီယံ ဆီနီဂေါအသင်းသည် ၂၀၁၈ ခုနှစ်ကတည်းက အာဖရိက၏ နံပါတ်(၁)အသင်းအဖြစ် ရပ်တည်နေခဲ့သော်လည်း ယခုလတွင် အမြင့်ဆုံးနေရာ ရောက်ရှိလာခဲ့ခြင်းဖြစ်သည်။
မြန်မာအသင်းမှာ ကမ္ဘာ့အဆင့် (၁၅၂)နေရာ၌ ဆက်လက်ရပ်တည်ခဲ့သည်။
