နယူးကာဆယ်အသင်းသည် ပိုင်ရှင်သစ်များ၏ ဆော်ဒီအာရေဗျနိုင်ငံ၌ ယခုလအတွင်း သွားရောက်လေ့ကျင့်ရန် စီစဉ်နေကြောင်း သိရသည်။
နယူးကာဆယ်အသင်းကို ဆော်ဒီအိမ်ရှေ့မင်းသားဦးဆောင်သည့် PIF လုပ်ငန်းစုက ဝယ်ယူခဲ့ပြီးနောက် ပထမဆုံးအကြိမ်အဖြစ် ပိုင်ရှင်သစ်များ၏နိုင်ငံတွင် သွားရောက်လေ့ကျင့်ရန် စီစဉ်ခြင်းဖြစ်သည်။
နယူးကာဆယ်အသင်းသည် ဇန်နဝါရီ(၂၂)တွင် လိဒ်စ်အသင်းနှင့် ပရီးမီးယားလိဂ်ပွဲစဉ် ယှဉ်ပြိုင်ကစားပြီးနောက် ဇန်နဝါရီ(၂၃)တွင် ဆော်ဒီသို့ ထွက်ခွာမည်ဖြစ်သည်။
ယင်းကာလမှာ နိုင်ငံတကာရက်သတ္တပတ်ဖြစ်ပြီး လိဂ်ပြိုင်ပွဲများ အနားပေးထားမည်ဖြစ်သောကြောင့် နယူးကာဆယ်အသင်းက သွားရောက်လေ့ကျင့်ရန် စီစဉ်ခြင်းလည်းဖြစ်သည်။
အဆိုပါလေ့ကျင့်ခရီးစဉ်တွင် အသင်းဥက္ကဋ္ဌဖြစ်သူ အယ်လ်ရန်မေယန်က လာရောက်နှုတ်ဆက်ဖွယ်ရှိသလို၊ ဆော်ဒီနိုင်ငံ၏ အကြီးအကဲအချို့နှင့်လည်း တွေ့ဆုံရဖွယ်ရှိကြောင်း သိရသည်။
နယူးကာဆယ်အသင်းသည် ယခုလအတွင်း ပြင်ဆင်မှုများ အားစိုက်ပြုလုပ်လျက်ရှိသည်။
