ကိုရိုနာဗိုင်းရပ်စ်ကူးစက်မှုကို ကာကွယ်ရန် လာလီဂါ စည်းမျဉ်းသစ်များ ချမှတ်

လာလီဂါတာဝန်ရှိသူများသည် စပိန်တွင် ကိုရိုနာဗိုင်းရပ်စ်ကူးစက်မှု ပြန်လည်မြင့်တက်လာခြင်းကြောင့် ပြိုင်ပွဲဝင်အသင်းများ လိုက်နာရမည့် စည်းမျဉ်းစည်းကမ်းသစ်များ ချမှတ်ခဲ့ကြောင်း သိရသည်။

ရီးယဲလ်နှင့် ဘီလ်ဘာအိုအသင်းများတွင် ကစားသမားများ ဗိုင်းရပ်စ်ကူးစက်ခံနေရပြီး ပိုဆိုးလာမည်ကို စိုးရိမ်နေကြသည်။

စည်းမျဉ်းသစ်အရ လာလီဂါအသင်းများသည် ကစားသမားများကို လေ့ကျင့်ရေးနှင့် ပွဲကစားသည့်နေ့တိုင်း COVID-19 စစ်ဆေးမှုပြုလုပ်ရမည်ဖြစ်သလို၊ အဝတ်လဲခန်းအတွင်း ကစားသမားများစုပြုံ အဝတ်လဲခြင်းကို ရှောင်ကြဉ်ရမည်ဖြစ်ကြောင်း သိရသည်။