လက်စတာ နှင့် စပါး (မြန်မာစံတော်ချိန် ကြာသပတေး နံနက် ၂းဝ၀ နာရီ)
စပါးက နည်းပြ ကွန်တီ အသင်းကို ရောက်ရှိလာပြီးကတည်းက အသင်းကြီးတွေနဲ့ သိပ်မတွေ့ရသေးဘူး။ ရလဒ်တွေကလည်း ကောင်းလာတာတွေ့ရတယ်။ ဒီပွဲကတော့ ကွန်တီလက်ထက်မှာ အကျပ်ဆုံးပွဲလို့ ပြောလို့ရတယ်။ လက်စတာကလည်း အနည်းငယ်ခြေပျက်နေသလို ဖြစ်နေပေမဲ့ နောက်ဆုံးပွဲမှာတော့ ဂိုးပြတ်နိုင်ပွဲ ပြန်ရထားတယ်။ ကွန်တီရဲ့လက်အောက်မှာ တဖြည်းဖြည်းချင်းတိုးတက်လာတဲ့ စပါးကို ပိုကြိုက်တယ်။
ချယ်လ်ဆီး နှင့် အဲဗာတန် (မြန်မာစံတော်ချိန် ကြာသပတေး နံနက် ၂း၁၅ နာရီ)
အဲဗာတန်က ဘင်နီတက်ဇ်နဲ့အတူ ရာသီအဖွင့်ကာလတွေမှာ ခြေစွာခဲ့ပေမဲ့ နောက်ပိုင်း ရလဒ်တွေ တောက်လျှောက်ကျဆင်းသွားခဲ့တယ်။ ချယ်လ်ဆီးကတော့ လက်စတာကို သုံးဂိုးပြတ် အနိုင်ကစားခဲ့ပြီး နောက်ပိုင်းလေးပွဲမှာ နှစ်ပွဲနိုင်၊ တစ်ပွဲသရေကျခဲ့ကာ နိုင်ခဲ့တဲ့ နှစ်ပွဲကလည်း တစ်ဂိုးအသာနဲ့ ကပ်နိုင်တဲ့ပွဲတွေဖြစ်နေတယ်။ ဒါပေမဲ့ လက်ရှိအချိန်မှာ ချယ်လ်ဆီးက အမှားမခံတဲ့ အနေအထားဖြစ်နေပြီး နိုင်သင့်တဲ့ပွဲတွေကိုလည်း အိမ်ကွင်းမှာ မဖြစ်မနေအနိုင်ယူဖို့ ကြိုးစားရမှာဖြစ်လို့ ချယ်လ်ဆီး နိုင်သွားပါလိမ့်မယ်။
လီဗာပူးလ် – နယူးကာဆယ် (မြန်မာစံတော်ချိန် ကြာသပတေး နံနက် ၂း၃၀ နာရီ)
တန်းမဆင်းရဖို့ ရုန်းကန်နေရတဲ့ နယူးကာဆယ်အသင်းအဖို့က ဒီပွဲမှာ တစ်မှတ်ပဲရရ အသည်းအသန်ရုန်းကန်မှာပါ။ ဒါပေမဲ့ လက်ရှိအခြေအနေမှာတော့ လီဗာပူးလ်က အကောင်းဆုံးပုံစံ ရောက်နေတဲ့အသင်းဖြစ်တယ်။ ကွင်းမရွေး၊ အသင်းမရွေး အနိုင်ယူနိုင်စွမ်းရှိတဲ့ ခြေစွမ်းကိုပိုင်ဆိုင်ထားတဲ့ အနေအထားလည်းဖြစ်တယ်။ ခြေစွမ်းရော၊ အဆင့်အတန်းပါကွာလို့ လီဗာပူးလ် အနိုင်သေချာပါတယ်။
