ချန်ပီယံလိဂ်မှ ယူရိုပါလိဂ်သို့ ဆင်းသက်ယှဉ်ပြိုင်ရတော့မည့် ဘာစီလိုနာအသင်းသည် အဆိုပါပြိုင်ပွဲတွင် အမြင့်ဆုံး ဆီမီးဖိုင်နယ်အဆင့်သာ ရောက်ရှိခဲ့ဖူးကြောင်း သိရသည်။
ဘာစီလိုနာအသင်းသည် ယူရိုပါလိဂ်ခေတ်တွင် ပထမဆုံးယှဉ်ပြိုင်ရခြင်းဖြစ်သော်လည်း ယခင် UEFA Cup ခေတ်တွင်မူ စုစုပေါင်း(၁၁)ရာသီ ယှဉ်ပြိုင်ဖူးခဲ့ကြောင်း သိရသည်။
သို့သော် ဘာစီလိုနာအသင်းအနေဖြင့် UEFA Cup ပြိုင်ပွဲတွင် ဗိုလ်လုပွဲပင် တက်ရောက်နိုင်ခြင်းမရှိဘဲ အမြင့်ဆုံးအဖြစ် ဆီးမီဖိုင်နယ်အဆင့်ထိသာ တက်ရောက်နိုင်ခဲ့ခြင်းဖြစ်သည်။
ဘာစီလိုနာအသင်းသည် UEFA Cup ပြိုင်ပွဲတွင် နောက်ဆုံးယှဉ်ပြိုင်ခဲ့ရသည်မှာ ၂၀၀၃-၀၄ ရာသီကဖြစ်ပြီး ရှုံးထွက်(၁၆)သင်းအဆင့်၌ ဆဲလ်တစ်အသင်းကို နှစ်ကျော့ပေါင်းရလဒ် (၀-၁)ဂိုးဖြင့် ရှုံံးနိမ့်ထွက်ခွာခဲ့ရကြောင်း သိရသည်။
