လက်စတာအသင်းကို စွန့်ခွာရန် ကက်စပါရှမိုက်ကယ် စဉ်းစားနေ

လက်စတာအသင်း၏ ဒိန်းမတ် ၀ါရင့်ဂိုးသမား ကက်စပါရှမိုက်ကယ်က ကစားသမားဘဝမှ အနားမယူမီ လက်စတာအသင်းကို စွန့်ခွာရန်စဉ်းစားနေကြောင်း ဝန်ခံပြောကြားခဲ့သည်။

ရှမိုက်ကယ်က “ကျွန်တော် ဖြတ်သန်းခဲ့တာကို ပြန်ကြည့်ရင် ကျွန်တော့်အနေနဲ့ ချန်ပီယံလိဂ်မှာ ပွဲများစွာမကစားခဲ့ရပါဘူး။ ကျွန်တော်အနားမယူခင်အခြားတစ်နေရာရာမှာ ကျွန်တော် ကြိုးစားကြည့်ချင်ပါသေးတယ်။ ဒါဟာ ငွေကြေးအတွက်မဟုတ်ပါဘူး” ဟု ပြောကြားခဲ့သည်။

ရှမိုက်ကယ်သည် လက်စတာအသင်းအား ပရီးမီးယားလိဂ်ဖလားနှင့် FA ဖလားရရှိအောင် အဓိကနေရာမှစွမ်းဆောင်ပေးနိုင်ခဲ့သူဖြစ်သည်။