မန်ယူအသင်းသည် အသင်း၏ အင်္ဂလန်နောက်ခံလူ ဖီးလ်ဂျုံးစ် (၂၈ နှစ်)အား ယခုနွေ ရာသီအပြောင်းအရွှေ့ကာလတွင် ရောင်းချရန် စီစဉ်နေပြီး ၎င်းအား ခေါ်ယူမည့်အသင်းသစ် ကို ရှာဖွေလျက်ရှိနေကြောင်း သိရှိရသည်။
ဖီးလ်ဂျုံးစ်သည် ဒူးဒဏ်ရာကြောင့် အနားယူနေရပြီး ပြီးခဲ့သည့်တနင်္ဂနွေနေ့က ၎င်း၏ဒဏ်ရာကို ခွဲစိတ်မှုပြုလုပ်ခဲ့ကြောင်း သိရှိရသည်။
![](https://sportsmyan.com/wp-content/uploads/2020/08/Phil-Jones-2-1024x536.jpg)
သို့ဖြစ်ရာ ဒဏ်ရာများဖြင့်ရုန်းကန်နေရသော ဖီးလ်ဂျုံးစ်အား မန်ယူအသင်းတာဝန်ရှိသူများက အသင်းတွင်ဆက်လက်မထားရှိလိုတော့ဘဲ ရောင်းချရန် ဆန္ဒရှိနေခြင်းဖြစ်သည်။
သို့သော် သူ၏ဒူးဒဏ်ရာအခြေအနေအရ ကာလရှည်အနားယူရဖွယ်ရှိရာ သူ့အား ခေါ်ယူလိုသည့်အသင်းရှာဖွေရန် ခက်ခဲနိုင်ကြောင်း Mirror သတင်းစာက ဖော်ပြခဲ့သည်။
ဖီးလ်ဂျုံးစ်သည် ၂၀၁၁ နွေရာသီတွင် ဘလက်ဘန်းမှ မန်ယူသို့ပြောင်းရွှေ့ကြေးပေါင်(၁၆.၅)သန်းဖြင့် ရောက်ရှိလာသူဖြစ်သည်။
![](https://sportsmyan.com/wp-content/uploads/2020/08/Phil-Jones-3-1024x536.jpg)
၎င်းမှာ လူငယ်ကစားသမားဘဝတွင် ဂန္ထဝင် ဘော်ဘီချာလ်တန်၊ နာမည်ကြီးနည်းပြ အဲလက်စ်ဖာဂူဆန်နှင့် ကာပယ်လိုတို့၏ချီးကျူးမှုများ ခံခဲ့ရသူဖြစ်ကြောင်း သိရသည်။
မန်ယူအသင်းသည် ဖီးလ်ဂျုံးစ်ကို ၂၀၁၉ ဖေဖော်ဝါရီလက (၄)နှစ်သက်တမ်းတိုးစာချုပ် ချုပ်ဆိုထားသည်။