ဆောက်သမ်တန် – ဝုလ်ဗ် (တနင်္ဂနွေည ရး၃၀ နာရီ)
ဆောက်သမ်တန်ကစားတာ အရမ်းကောင်းပါတယ်။ ဒီရာသီမှာ အခုအချိန်အထိ နိုင်ပွဲမရသေးပေမဲ့ (၄)ပွဲ သရေကစားထားတယ်။ သရေ (၄)ပွဲမှာ အသင်းကောင်းတွေနဲ့ ခြေစွမ်းကောင်းကောင်းပြသနိုင်ခဲ့တယ်။ ဝုလ်ဗ်ကတော့ (၁)ပွဲနိုင် (၄)ပွဲတောင် ရှုံးထား တယ်။ ဒါပေမဲ့ ဆောက်သမ်တန်ထက်တောင် ဆွဲဆောင်မှုပိုရှိပြီး တိုက်စစ်ပိုင်းဂိုးမရလို့ ပြဿနာတက်နေတာပါ။ ဒီပွဲလည်း သရေကျလိမ့်မယ်ထင်တယ်။
အာဆင်နယ် – စပါး (တနင်္ဂနွေည ၁၀း၀၀ နာရီ)
စပါးက အဆင့် (၇)နေရာမှာရှိနေပြီး အာဆင်နယ်က အဆင့် (၁၃) နေရာကို ရောက်နေတယ်။ Current Form အရဆို ရင်တော့ စပါးက နိုင်ပွဲတွေဆက်တိုက်ရခဲ့ရာက နှစ်ပွဲဆက်ရှုံးခဲ့ပြီး အာဆင်နယ်ကတော့ ဆက်တိုက်ရှုံးနေရာက နောက်ဆုံး နှစ်ပွဲဆက် နိုင်ခဲ့တယ်။ စပါးက (၉)မှတ်ယူထားပြီး အာဆင်နယ်က (၆)မှတ်ပဲ ယူနိုင်ခဲ့တယ်။ နောက်ဆုံးကစားခဲ့တဲ့ ပွဲစဉ် (၆) ပွဲ ထိပ်တိုက်တွေ့ဆုံမှုအရဆိုရင် စပါးက (၃)ပွဲနိုင်ပြီး (၁)ပွဲပဲ ရှုံးခဲ့တယ်။ ဒါပေမဲ့ ဒီရာသီမှာ စပါးက နည်းပြသစ်နဲ့ ဖြတ်သန်းနေပြီး အသင်းရဲ့တိုက်စစ်ကလည်း သိသိသာသာပြဿနာရှိနေတယ်။ ဟာရီကိန်း ဂိုးပေါက်ပျောက်နေသလို၊ ကစားပုံလည်း မကောင်း ဘူး။ အယ်လီ ခြေနည်းနည်းပြန်တက်လာပေမဲ့ မလုံလောက်ဘူး။ ဆွန်လည်း ပုံမှန်ခြေစွမ်းမရဘူးဖြစ်နေတယ်။ အာဆင်နယ် က အရှိန်ပြန်ရလာသလို၊ အတွဲအဖက်လည်း မိလာတယ်။ ကစားသမားသစ်တွေလည်း တဖြည်းဖြည်းနဲ့ အထိုင်ကျလာတာ ကိုတွေ့ရတယ်။ အာဆင်နယ်ကို ကြိုက်တယ်။
