ခရစ္စတယ်ပဲလေ့စ် – စပါး (မြန်မာစံတော်ချိန် စက်တင်ဘာလ ၁၁ ရက် ည ၆:၀၀ နာရီ)
ပဲလေ့စ်က ချယ်လ်ဆီးကို ဂိုးပြတ်ရှုံး၊ ဘရန့်ဖို့ဒ်နဲ့ သရေကျခဲ့ပြီး နောက်ဆုံးပွဲမှာလည်း ဝက်စ်ဟမ်းကို (၂-၂)ဂိုးစီသရေ ကစားခဲ့တယ်။ အခုအချိန်အထိ နိုင်ပွဲမရသေးပေမဲ့ တဖြည်းဖြည်း ခြေတော့မှန်လာတယ်။ စပါးက အမှတ်ပေးဇယားထိပ်ဆုံးမှာ ရာနှုန်းပြည့်နိုင်ပွဲနဲ့ ဦးဆောင်နေတဲ့အသင်းပါ။ အသင်းလိုက်ကစားပုံက မာကျောပြီး လျင်မြန်တယ်။ စုစည်းမှုကောင်းတာလည်း တွေ့ရတယ်။ စပါး ကပ်နိုင်ဖို့ များတယ်။
အာဆင်နယ် – နောဝစ်ချ် (မြန်မာစံတော်ချိန် စက်တင်ဘာလ ၁၁ ရက် ည ၈:၃၀ နာရီ)
ဖိအားတွေများနေတဲ့ အာတီတာအတွက်တော့ လမ်းကြောင်းမှန်ပေါ် ပြန်တက်သင့်တဲ့ပွဲပါ။ နောဝစ်ချ်အသင်းရဲ့ ဆိုးရွားတဲ့ ရလဒ်တွေနဲ့ ခံစစ်၊ တိုက်စစ်မှတ်တမ်းတွေကို ကြည့်ရင် အာဆင်နယ် လုံးဝမမှားသင့်တဲ့ပွဲလို့ ပြောနို်င်တယ်။ ဒီလိုပွဲမျိုးကို နိုင်ပွဲမယူနိုင်ဘူးဆိုရင်လည်း အာတီတာအတွက် ပြဿနာက ပိုကြီးလာလိမ့်မယ်။ ဒီပွဲတော့ ခြေစွမ်းကြောင့်၊ အင်အားကြောင့်တင်မဟုတ်ဘဲ အခြေအနေကြောင့် အာဆင်နယ်နိုင်မယ် ထင်တယ်။
ဘရန့်ဖို့ဒ် – ဘရိုက်တန် (မြန်မာစံတော်ချိန် စက်တင်ဘာလ ၁၁ ရက် ည ၈:၃၀ နာရီ)
ဘရန့်ဖို့ဒ်ရော၊ ဘရိုက်တန်ပါ ပုံစံကောင်းပြနေကြတယ်။ ဘရိုက်တန်က နှစ်ပွဲနိုင်၊ တစ်ပွဲသရေ ကစားထားပြီး၊ ဘရန့်ဖို့ဒ်ကလည်း တစ်ပွဲနိုင်၊ နှစ်ပွဲသရေ ကစားထားလို့ ရှုံးပွဲမတွေ့ကြသေးဘူး။ ဘရန့်ဖို့ဒ်က ဒီရာသီ အိမ်ကွင်းမှာ အာဆင်နယ်ကို အနိုင်ကစားထား တာတွေ့ရပြီး ယုံကြည်မှုအားကောင်းနေတဲ့အချိန်လည်းဖြစ်တယ်။ ဘရိုက်တန်က ခြေစွမ်းပိုကောင်းလို့ သရေပဲ ဖြစ်နိုင်တယ်။
မန်ယူ – နယူးကာဆယ် (မြန်မာစံတော်ချိန် စက်တင်ဘာလ ၁၁ ရက် ည ၈:၃၀ နာရီ)
ဒီပွဲက မန်ယူပရိသတ်တွေတင်မဟုတ်ဘဲ ပရီးမီးယားလိဂ်ပရိသတ်တွေပါ စောင့်မျှော်နေတဲ့ပွဲဖြစ်တယ်။ မန်ယူအသင်းကို တစ်ကျော့ပြန်ရောက်လာတဲ့ စီရော်နယ်လ်ဒိုက ကာရင်တန်လေ့ကျင့်ရေးကွင်းမှာ လေ့ကျင့်ခန်းစဆင်းနေပြီဖြစ်ပြီး ဒီပွဲမှာ ပထမဆုံးဝင်ကစားဖို့လည်း များတယ်။ စီရော်နယ်လ်ဒိုရဲ့ အိုးလ်ထရက်ဖို့ဒ်အပြန်ခရီးမှာ ရင်ဆိုင်ရမယ့်အသင်းက နယူးကာဆယ်ဖြစ်ပြီး ဒီရာသီမှာ နို်င်ပွဲမရသေးတဲ့အသင်းလည်းဖြစ်တယ်။ ခံစစ်ပိုင်းကလည်း (၈)ဂိုးအထိ အသွင်းခံထားရတာကို တွေ့ရ တယ်။ ဒီအခြေအနေနဲ့ဆိုရင် မန်ယူအသင်းရဲ့ တိုက်စစ်ကို ထိန်းချုပ်နိုင်ဖို့ ခက်တယ်။ အထူးသဖြင့် စိတ်ပိုင်းဆိုင်ရာ အားကောင်းနေတဲ့၊ ခြေစွမ်းပိုင်းအရ အရှိန်ရနေတဲ့ အချိန်ဖြစ်ပြီး မန်ယူအတွက် (၄)ပွဲမှာ (၁၀)မှတ်ယူဖို့ အဆင်သင့်ဖြစ်နေပြီလို့လည်း ယူဆရတယ်။ နယူးကာဆယ်က သရေဆိုတဲ့ မျှော်လင့်ချက်နဲ့လာမှာဖြစ်ပြီး နိုင်ငံတကာပွဲစဉ်တွေကြောင့် ရပ်နားထားချိန်အတွင်း ခံစစ်ကိုပြင်ဆင်ဖို့ ကြိုးစားထားမှာပါ။ ဒါပေမဲ့ တားဆီးနိုင်မယ်မထင်ဘူး။ (၃-၀၊ ၃-၁)လောက်ဖြစ်မယ်။
လက်စတာ – မန်စီးတီး (မြန်မာစံတော်ချိန် စက်တင်ဘာလ ၁၁ ရက် ည ၈:၃၀ နာရီ)
လက်စတာက ရာသီကြို ကွန်မြူနတီဒို်င်းလုပွဲမှာ မန်စီးတီးအသင်းကို အနိုင်ရထားတယ်။ မနှစ်ကတော့ လက်စတာကွင်းမှာ မန်စီးတီး နိုင်ခဲ့ပြီး၊ မန်စီးတီးကွင်းမှာ လက်စတာက နိုင်ခဲ့တယ်။ ဒီနှစ်သင်းရဲ့ပွဲစဉ်တွေက အကြိတ်အနယ်ဖြစ်လေ့ရှိပြီး ဒီပွဲ လည်း ပွဲကောင်းတစ်ပွဲဖြစ်လာလိမ့်မယ်။ လက်စတာအတွက် ပြဿနာက အသင်းရဲ့အဓိက ကစားသမားနှစ်ဦးဖြစ်တဲ့ တီလေ မန်းစ်နဲ့ ကက်စတာညာတို့ ဘယ်လ်ဂျီယံအသင်းနဲ့အတူ အသေးစားဒဏ်ရာတွေရှိခဲ့ပြီး ကစားနိုင်ဖို့ မသေချာခြင်းဖြစ်တယ်။ အလားတူပဲ မန်စီးတီးအသင်းကလည်း ဂိုးသမား အီဒါဆန်နဲ့ ဂျေးဇူးတို့ ဒီပွဲမှာ ဖီဖာရဲ့ ပွဲပယ်ပြစ်ဒဏ်ကြောင့် ကစားနိုင်မှာ မဟုတ်ဘူး။ ဒီနှစ်ဦးကို မန်စီးတီးက ဘရာဇီးလ်အသင်းရဲ့ ပွဲစဉ်တွေကို ကစားခွင့်ပေးဖို့ ငြင်းဆန်ခဲ့ခြင်းကြောင့်ဖြစ်တယ်။ နှစ်သင်းစလုံးမှာ ပြဿနာကိုယ်စီရှိပေမဲ့ အင်အားတောင့်တဲ့အသင်းတွေဖြစ်တယ်။ ဖိုဒန်၊ ဒီဘရိုင်းနားတို့လည်း အပြည့်အဝ ပြန်ကစားနိုင်ပြီလို့ ယူဆရတယ်။ မန်စီးတီးကို ဂိုးတွေသွင်းလေ့ရှိတဲ့ ဗာဒီလည်း ကြံ့ခိုင်မှုပြည့်နေတယ်။ သရေကျသွားနိုင်တယ်။
ဆောက်သမ်တန် – ဝက်စ်ဟမ်း (မြန်မာစံတော်ချိန် စက်တင်ဘာလ ၁၁ ရက် ည ၈:၃၀ နာရီ)
ဝက်စ်ဟမ်းအတွက် ခက်ခဲတဲ့ပွဲတစ်ပွဲ ဖြစ်လာနိုင်တယ်။ ဆောက်သမ်တန်က အဖွင့်ပွဲမှာ အဲဗာတန်ကို ဂိုးပြတ်ရှုံးခဲ့ပေမဲ့ မန်ယူ၊ နယူးကာဆယ်တို့နဲ့ သရေကျခဲ့တဲ့ပွဲတွေမှာ သူတို့အသင်းရဲ့မာကျောမှုကို ပြသနိုင်ခဲ့တယ်။ ဝက်စ်ဟမ်းက ပဲလေ့စ်ကို နိုင်သင့်လျက် သရေကျခဲ့တာ စိတ်ပျက်စရာပါ။ ဒါပေမဲ့ မနှစ်ကလိုပဲ အားကောင်းနေဆဲအသင်းဖြစ်ပြီး တိုက်စစ်ပိုင်းမှာလည်း ဗလာဆစ်ကို အားဖြည့်ထားတယ်။ ဝက်စ်ဟမ်း ကပ်နိုင်မယ်ထင်တယ်။
ဝက်ဖို့ဒ် – ဝုလ်ဗ် (မြန်မာစံတော်ချိန် စက်တင်ဘာလ ၁၁ ရက် ည ၈:၃၀ နာရီ)
ဝက်ဖို့ဒ်အသင်းက ရာသီအဖွင့်ပွဲမှာ ဗီလာကိုနိုင်ပြီးနောက် နှစ်ပွဲဆက် ရှုံးပွဲတွေ့ခဲ့တယ်။ ဒါပေမဲ့ စပါးအသင်းကို ရှုံးခဲ့တဲ့ပွဲက ခြေစွမ်းက မဆိုးဘူးလို့ ပြောရမှာဖြစ်ပြီး စနစ်ကျတယ်။ တည်ငြိမ်တယ်။ ဝုလ်ဗ်က ဒီရာသီမှာ အံ့အားသင့်စရာကောင်းလောက်အောင် ရလဒ်တွေ ဆိုးရွားနေတယ်။ ဒါပေမဲ့ ဒီရာသီ ကစားပုံအကောင်းဆုံး (၃၊ ၄)သင်းထဲ ထည့်လို့ရတဲ့အသင်းမျိုးဖြစ်တယ်။ ဝုလ်ဗ်ကို ကြိုက်တယ်။
ချယ်လ်ဆီး – အက်စတွန်ဗီလာ (မြန်မာစံတော်ချိန် စက်တင်ဘာလ ၁၁ ရက် ည ၁၁:၀၀ နာရီ)
အက်စတွန်ဗီလာက အသင်းကောင်းတစ်သင်းဖြစ်ပြီး စုစည်းမှုလည်း ကောင်းတယ်။ ချယ်လ်ဆီးကတော့ နှစ်ပွဲဆက်နိုင်ပြီးမှ လီဗာပူးလ်နဲ့ သရေကျထားတယ်။ ဒါပေမဲ့ လီဗာပူးလ်နဲ့ပွဲက ချယ်လ်ဆီးရဲ့ စွမ်းဆောင်ရည်ကလည်း ကျေနပ်စရာလို့ ပြောလို့ရပါတယ်။ အသင်းရဲ့ စိတ်ပိုင်းဆိုင်ရာအခြေအနေက အသင်းကြီး ပိုဆန်လာပြီး ကွင်းတွင်းခြေစွမ်းပိုင်းလည်း သိသိသာသာတိုးတက်လာတယ်။ ချယ်လ်ဆီးပဲ နိုင်လိမ့်မယ်။
