လာမည့် စက်တင်ဘာလ ၁၁ ရက်တွင် ကစားမည့် မန်ယူ-နယူးကာဆယ်ပွဲ၌ စီရော်နယ်လ်ဒို ပွဲထွက်စာရင်း၌ မပါဝင်ရန်မှာ သေချာသလောက်ရှိနေသော်လည်း ယင်းပွဲတွင် သူ၏စွမ်းဆောင်ရည်ပေါ်မူတည်သည့် အလေးပေးချက်များစွာကို လောင်းကစားဒိုင် များက ဖွင့်လှစ်ထားကြောင်း သိရသည်။
မန်ယူအသင်းတွင် နိုင်ငံတကာရက်သတ္တပတ်အတွင်း အသင်း၌ကျန်ရှိခဲ့သည့်ကစားသမားများနှင့်အတူ စီရော်နယ်လ်ဒို လေ့ကျင့်ခန်းဆင်းနေသည့်ပုံများအား မန်ယူအသင်းက ထုတ်ပြန်ဖော်ပြခဲ့သည်။
စီရော်နယ်လ်ဒိုသည် ပေါ်တူဂီမှ အင်္ဂလန်သို့ရောက်ရှိလာရာတွင် Quarantine (သီးခြားနေထိုင်မှု) ငါးရက် ဝင်ခဲ့ရကြောင်း သိရသည်။
သို့ဖြစ်ရာ နယူးကာဆယ်နှင့်ပွဲအတွက် ပြင်ဆင်ရာတွင် အချိန်နည်းပါး၍ မန်ယူ-နယူးကာဆယ် ပရီးမီးယားလိဂ်ပွဲစဉ်တွင် ပွဲထွက်ကစားသမားအဖြစ်ပါဝင်ရန် အခွင့်အလမ်း နည်းပါးနေပြီး အရန်ခုံ၌သာ တွေ့မြင်ရဖွယ်ရှိကြောင်း Daily Mail သတင်းစာက
ဖော်ပြခဲ့သည်။
မန်ယူကစားသမားဘဝ ဒုတိယအကြိမ်တွင် အသင်းအတွက် စီရော်နယ်လ်ဒို ပထမဆုံးပွဲထွက်မည့်ပွဲမှာ လာမည့်တစ်ပတ်၌စတင်ကစားမည့် ချန်ပီယံလိဂ်အုပ်စု အဖွင့်ပွဲစဉ် ယန်းဘွိုင်းစ်-မန်ယူပွဲဖြစ်ရန် ပိုမိုဖြစ်နိုင်ခြေများကြောင်း သိရသည်။
အလေးပေးချက်များတွင် နယူးကာဆယ်နှင့်ပွဲ$ ဂိုးပေါက်တည့်ကန်ချက် တစ်ကြိမ်ကို ၁း၈၀ လေး၊ ဂိုးပေါက်တည့်ကန်ချက် နှစ်ကြိမ်ကို ၁း၆ လေး၊ ဂိုးပေါက်တည့်ကန် ချက် သုံးကြိမ်ကို ၄း၆ လေး၊ ဂိုးပေါက်တည့် ကန်ချက် ငါးကြိမ်ကို ၉း၅ လေး ဖြင့် Paddy Power က ကြေးဖွင့်ထားခဲ့သည်။
ဂိုးသွင်းနိုင်ခြင်းရှိ၊ မရှိကို လောင်းကစားဒိုင်များက ၁း၂ လေး၊ ၄း၁၁ လေး၊ ၄း၉ လေး၊ ၁၁း၂၅ လေး စသဖြင့် အမျိုးမျိုးဖွင့်လှစ်ထားကြောင်း သိရသည်။
ဂိုးဖန်တီးပေးမှု ရှိ၊ မရှိကိုမူ Paddy Power က ရး၂ လေး၊ BetVictor က ၁၄း၅ လေး ပေးထားလျက်ရှိသည်။
ဟက်ထရစ်သွင်းနိုင်ခြင်း ရှိ၊ မရှိကို Paddy Power က ၄း၁ လေးဖြင့် ကြေးဖွင့်ထားခဲ့သည်။
ကစားသမားဘဝတွင် ဟက်ထရစ် ၅၇ ကြိမ်အထိ ရရှိထားသည့် စီရော်နယ်လ်ဒို၏ဟက်ထရစ်အလေးပေးချက်မှာ ပရီးမီးယားလိဂ်ပြိုင်ပွဲသမိုင်းတစ်လျှောက်တွင် အမြင့်ဆုံးနှုန်းထားဖြစ်ကြောင်း သိရသည်။
အဝါကတ် သို့မဟုတ် အနီကတ် ပြခံရခြင်း ရှိ၊ မရှိကိုမူ Unibet က ၉း၁ လေး ပေးထားခဲ့သည်။
စီရော်နယ်လ်ဒိုသည် ကစားသမားဘဝတွင် အဝါကတ် ၁၀၆ ကြိမ်အထိ ပြသခံထားရကြောင်း သိရသည်။
