၂၀၂၂ Forbes တစ်နှစ်တာဝင်ငွေအကောင်းဆုံးအားက စားသမားစာရင်းတွင် မက်ဆီကိုကျော်ဖြတ်ပြီး ထိပ်ဆုံးနေရာရ ရှိရေးမှာ ခက်ခဲကြောင်း နာမည်ကြီး MMA အားကစားသမား မက်ဂရီဂေါ်က ဝန်ခံခဲ့သည်။
မက်ဂရီဂေါ်သည် ပြီးခဲ့သည့်မေလက Forbes မဂ္ဂဇင်းမှ ထုတ်ပြန်သည့် ၂၀၂၁ ခုနှစ်အတွက် တစ်နှစ်တာဝင်ငွေအကောင်း ဆုံးအားကစားသမားစာရင်းတွင် ဒုတိယနေရာမှ မက်ဆီထက် ဒေါ်လာသန်း(၅၀)အသာဖြင့် ထိပ်ဆုံး၌ ရပ်တည်ခဲ့ခြင်းဖြစ်သည်။
Instagram စာမျက်နှာတွင် မက်ဂရီဂေါ်က PSG အသင်းဝတ် စုံဝတ်ဆင်ထားသည့်ပုံကို တင်ရှိခဲ့ပြီး ယင်းပုံနှင့်အတူ Forbes စာရင်း၌ ထိပ်ဆုံးနေရာ ဆက်လက်တည်မြဲရေးအတွက် သံန္နိဋ္ဌာန်ချထားကြောင်းလည်း ရေးသားခဲ့သည်။
“Beverly Hills ဟိုတယ်ကနေပြီး ကျွန်တော့်ညီအစ်ကိုဖြစ်တဲ့ PSG အသင်းက ဆာဂျီယိုရာမို့စ်ကို အားပေးနေပါတယ်။ ဒီအသင်းဟာ မယုံကြည် နိုင်လောက်စရာကောင်းတဲ့ ကစားသမားတွေကို တစ်ယောက်ပြီး တစ်ယောက် မြန်မြန်ခေါ်ယူနိုင်ခဲ့တာကလည်း ရူးသွပ်စရာပါပဲ။ မက်ဆီက တစ်နှစ်ကို ဒေါ်လာ (၇၅)သန်းလောက်ရတယ်။ ဒီအထဲမှာ စပွန်ဆာစာချုပ်တွေ မပါဝင်သေးဘူး။ ကျွန်တော့်အနေနဲ့ တစ်ပွဲထက်ပိုပြီး မထိုးသတ်ဘဲနဲ့ သူ့ကို ကျော်လွှားဖို့ခက်ပါတယ်။ ဒါပေမဲ့ ကျွန်တော့်ကို ထည့်တွက်စရာမလိုတော့ဘူးလို့ ပြောတာ မဟုတ်ပါဘူး”ဟု မက်ဂရီဂေါ်က ပြောကြားခဲ့သည်။
မက်ဂရီဂေါ်သည် လက်ရှိတွင် ပြီးခဲ့သည့်ဇူလိုင်လအတွင်းက ဒပ်စတင်ပိုရီယေးနှင့်ထိုးသတ်ခဲ့သည့်ပွဲ၌ ခြေထောက်ကျိုးခဲ့မှုကြောင့် အနားယူနေရပြီး ယခုနှစ်ကုန်အထိ MMA ပွဲများ ထိုးသတ်နိုင်မည်မဟုတ်ကြောင်း သိရသည်။
ယင်းသတင်းကို မက်ဂရီဂေါ်က အတည်ပြုပြောကြားထားပြီး လာမည့်နှစ်တွင် ပွဲထိုးသတ်ရန်မှာလည်း ဆရာဝန်ခွင့်ပြုချက်ရရှိရန် လိုအပ်လျက်ရှိသည်။
၂၀၂၁ ဝင်ငွေအကောင်းဆုံး အားကစားသမား (၁၀)ဦး
အမည် အားကစားနည်း ဝင်ငွေ(ဒေါ်လာ)
မက်ဂရီဂေါ် MMA သန်း ၁၈၀
မက်ဆီ ဘောလုံး သန်း ၁၃၀
စီရော်နယ်လ်ဒို ဘောလုံး သန်း ၁၂၀
ပရက်စကော့ အမေရိကန်ဘောလုံး ၁၀၇.၅ သန်း
လီဘရွန်ဂျိမ်းစ် ဘက်စကတ်ဘော ၉၆.၅ သန်း
နေမာ ဘောလုံး ၉၅ သန်း
ဖက်ဒါရာ တင်းနစ် သန်း ၉၀
ဟာမီလ်တန် ဖော်မြူလာဝမ်း ၈၂ သန်း
တွမ်ဘရာဒီ အမေရိကန်ဘောလုံး ၇၆ သန်း
ကီဗင်ဒူးရန့် ဘက်စကတ်ဘော ၇၅ သန်း
