PSG တိုက်စစ်မှူး ဘာပေသည် ရီးယဲလ်အသင်းသို့ ပြောင်းရွှေ့ ခွင့်ရရန် ဆန္ဒရှိနေဆဲဖြစ်ကြောင်း သိရသည်။
ရီးယဲလ်အသင်းသည် PSG အသင်းနှင့် စာချုပ်တစ်နှစ်သာကျန်ရှိတော့သည့် ဘာပေကို ယခုနွေရာသီတွင် ခေါ်ယူနိုင်ရန် စိတ်ဝင်စားနေသော်လည်း ဘဏ္ဍာရေးအခြေအနေကြောင့် တုံ့ဆိုင်းနေခြင်းဖြစ်သည်။
သို့ဖြစ်ရာ ယခုနွေရာသီတွင် မခေါ်ယူနိုင်ပါက လာမည့်နှစ်တွင် ပြောင်းရွှေ့ကြေးမပါဘဲ အလွတ်ခေါ်ယူနိုင်ရန် ကြိုးပမ်းရမည်ဖြစ်သည်။
PSG အသင်းအနေဖြင့်လည်း ၎င်းအား စာချုပ်သစ် မချုပ်နိုင်ပါက အလွတ်ထွက်ခွာခွင့်ပြုရမည်ဖြစ်သောကြောင့် လက်ကျန်ကာလတွင် စာချုပ်သစ်အတွက် ဆက်လက်ကြိုးပမ်းရမည်ဖြစ်သည်။
အထူးသဖြင့် PSG အသင်းသည် ဘာပေကိုခေါ်ယူစဉ်က ပြောင်းရွှေ့ကြေး ယူရိုသန်း ၁၈၀ ပေးချေခဲ့ရပြီး နေမာ ပြီးလျှင် ကမ္ဘာတစ်ဝန်း ဒုတိယပြောင်းရွှေ့ကြေးအမြင့်ဆုံး ပေးချေထားရသဖြင့် ၎င်းအား အလွတ်ထွက်ခွာခွင့်ပြုရန် ဆန္ဒမရှိကြောင်း သိရသည်။
ဘာပေသည် PSG အသင်းအတွက် ငါးရာသီအတွင်း ပြိုင်ပွဲစုံ ၁၇၃ ပွဲကစား ၁၃၃ ဂိုးသွင်းယူပေးထားပြီး အသင်းသမိုင်းတစ် လျှောက် (ကာဗာနီ-၂၀၀ ဂိုး၊ အီဘရာဟီမို ဗစ်-၁၅၆ ဂိုးတို့ပြီးလျှင်) တတိယမြောက် ဂိုးအများဆုံးကစားသမားအဖြစ် ရပ်တည်နေသည်။
၎င်းသည် PSG အသင်းနှင့် လီဂူး-၁ ချန်ပီယံ သုံးကြိမ်၊ ပြင်သစ်ဖလား သုံးကြိမ်၊ ပြင်သစ်လိဂ်ဖလား နှစ်ကြိမ်၊ ပြင်သစ်စူပါ ဖလား နှစ်ကြိမ်ရရှိထားသလို ပြင်သစ်အသင်းနှင့်လည်း ကမ္ဘာ့ဖလားတစ်ကြိမ်ရရှိထားသည်။
