အာဆင်နယ်နှင့်ပွဲတွင် ပါဝင်ကစားနိုင်ရန် ချယ်လ်ဆီးအသင်းတိုက်စစ်မှူးသစ် လူကာကူ မျှော်လင့်နေ

ချယ်လ်ဆီးအသင်း၏ တိုက်စစ်မှူးသစ် လူကာကူသည် ယခုတစ်ပတ် အာဆင်နယ်အသင်းနှင့် ယှဉ်ပြိုင်ရမည့် ပရီးမီးယားလိဂ်ပွဲတွင် ပါဝင်ကစားနိုင်ရန် မျှော်လင့်နေကြောင်း သိရသည်။

လူကာကူသည် Quarantine ကာလပြည့်မြောက် ပြီးနောက် အသင်းနှင့်အတူ စတင်လေ့ကျင့်မည်ဖြစ်ပြီး တနင်္ဂနွေနေ့တွင် ယှဉ်ပြိုင်ရမည့် အာဆင်နယ်နှင့်ပွဲ တွင် ပါဝင်နိုင်ရန် ပစ်မှတ်ထားနေခြင်းဖြစ်သည်။

ချယ်လ်ဆီးနည်းပြ တူဟယ်လ်ကလည်း လူကာကူနှင့် ကွန်တေတို့ အာဆင်နယ်နှင့်ပွဲတွင် ပါဝင်ကစားနိုင်ဖွယ်ရှိသည်ဟု ပြောကြားထားသည်။