ဂျူဗင်တပ်စ်အသင်းသည် ၀ါရင့်နောက်ခံလူ ချီလီနီကို (၂)နှစ်သက်တမ်းတိုးစာချုပ် ချုပ်ဆိုလိုက်ပြီဖြစ်ကြောင်း တနင်္လာနေ့တွင် အတည်ပြုကြေညာခဲ့သည်။
ချီလီနီသည် (၃၇)နှစ်ပြည့်တော့မည်ဖြစ်သော်လည်း ပြီးခဲ့သည့် ယူရို-၂၀၂၀ ပြိုင်ပွဲ၌ ချန်ပီယံဆုရရှိခဲ့သည့် အီတလီအသင်းတွင် ခြေစွမ်းပြကစားနိုင်ခဲ့ပြီး ဂျူဗင်တပ်စ်တွင်ရော အီတလီလက်ရွေးစင်းအသင်းတွင်ပါ အသင်းခေါင်းဆောင် တာဝန်ရယူထားသူလည်းဖြစ်သည်။
ချီလီနီသည် ဇွန်လကုန်တွင် ဂျူဗင်တပ်စ်အသင်းနှင့် စာချုပ်သက်တမ်းကုန်ဆုံးခဲ့ပြီး အားလပ်ရက် အနားပေးထားသည့်အတွက် ယခုမှ သက်တမ်းတိုးနိုင်ခဲ့ခြင်းဖြစ်ကြောင်း သိရသည်။
ဂျူဗင်တပ်စ်အသင်းက အသင်း၏သမိုင်းတွင် ကြီးမားသည့် အစိတ်အပိုင်းတစ်ရပ်အဖြစ် ရပ်တည်ခဲ့သည့် ချီလီနီသည် အနာဂတ်တွင်လည်း ဆက်ရှိသွားမည်ဟု ဆိုခဲ့သည်။
