နာပိုလီအသင်းခေါင်းဆောင် အင်ဆစ်ဂ်နီသည် လာဇီယိုနှင့် စီးရီးအေရာသီပိတ်ပွဲတွင် ရရှိခဲ့သည့် ပေါင်ဒဏ်ရာကြောင့် ဘာစီလိုနာနှင့် ချန်ပီယံလိဂ်ရှုံးထွက်ပွဲကို လွဲချော်ဖွယ်ရှိကြောင်း သိရသည်။
နာပိုလီအသင်းက ”အင်ဆစ်ဂ်နီသည် စမ်းသပ်မှုများ ခံယူပြီးဖြစ်ပြီး ဘယ်ဘက်ပေါင်တွင်းရှိ ကြွက်သားထဲမှ အရွတ်များတွင် ထိခိုက်ဒဏ်ရာရရှိခဲ့ခြင်း ဖြစ်သည်”ဟု အတည်ပြုထုတ်ပြန်ထားသည်။
အင်ဆစ်ဂ်နီသည် လက်ရှိတွင် အနားယူနေရပြီး ဒဏ်ရာ၏ အခြေအနေမှာ ကြိုတင်ပြောကြား၍မရနိုင်သည့်အနေအထားတွင် ရှိနေသည်။
ဒဏ်ရာ၏ သဘောသဘာဝအရ အချိန်တိုအတွင်း အရှင်းသက်သာရန် ခက်ခဲသော်လည်း အင်ဆစ်ဂ်နီကမူ ကြံ့ခိုင်မှုမပြည့်ဝသည့်ကြားက ဘာစီလိုနာနှင့်ပွဲတွင် ဝင်ကစားရန် စိတ်အားထက်သန်နေသည်။
အင်ဆစ်ဂ်နီ၏ အေးဂျင့်ဖြစ်သူက ” လော်ရန်ဇိုက ကစားဖို့ အရမ်းစိတ်အားထက်သန်နေတယ်။ သူ မကစားနိုင်မှာကို စိုးရိမ်ပြီး ငိုလည်း ငိုခဲ့တယ်။ ဒီပွဲကို ကစားနိုင်ဖို့ သူ ဘာမဆို လုပ်မယ်လို့ ပြောတယ်။ (၈၀)ရာခိုင်နှုန်း ကြံ့ခိုင်ရင် သူ ဝင်ကစားပါလိမ့်မယ်”ဟု Radio Punto Nuovo သို့ ပြောကြားခဲ့သည်။
