မန်ချက်စတာယူနိုက်အသင်းသည် အသင်း၏ နယ်သာလန်လက်ရွေးစင်ကွင်းလယ်လူ ဗန်ဒယ်ဘိခ်အား လာမည့်ရာသီတွင် အငှားချရန် စီစဉ်နေကြောင်း သိရှိရသည်။
ဗန်ဒယ်ဘိခ်အား စပိန်ကလပ် ရီးယဲလ်မက်ဒရစ်အသင်းက အငှားခေါ်ယူရန် ပစ်မှတ်ထားနေပြီး တစ်ရာသီစာအငှားခေါ်ယူခြင်းအတွက် ပေါင်(၂)သန်းခန့် သာ အသုံးပြု၍ ခေါ်ယူနိုင်ကြောင်း Mirror သတင်းစာက ဖော်ပြခဲ့သည်။
ရီးယဲလ်အသင်းသည် ဗန်ဒယ်ဘိခ်ကို မန်ချက်စတာယူနိုက်အသင်း မခေါ်ယူမီက ခေါ်ယူရန် ပစ်မှတ်ထားခဲ့ဖူးသည့် အသင်းတစ်သင်းဖြစ်သည်။ ဗန်ဒယ်ဘိခ်သည် အေဂျက်စ် မှ မန်ချက်စတာယူနိုက်သို့ ပြောင်းရွှေ့ကြေး ပေါင်သန်း(၄၀)ဖြင့် ရောက်ရှိလာသူဖြစ်သည်။
