နယ်သာလန်အသင်းခေါင်းဆောင် လီဗာပူးလ်နောက်ခံလူ ဗန်ဒိုက်သည် ဒဏ်ရာပြဿနာကြောင့် ယူရို-၂၀၂၀ ပြိုင်ပွဲနှင့် လွဲချော်ခဲ့ရသော်လည်း နယ်သာလန်အသင်း၏ တရားဝင်မဟုတ်သည့် နည်းပြအဖွဲ့ဝင်တစ်ဦးအဖြစ် အသင်းနှင့်အတူ ရှိနေမည်ဖြစ်ကြောင်း သိရသည်။
နယ်သာလန်လက်ရွေးစင်နည်းပြ ဖရန့်ဒီဘိုးဝါးက ဗန်ဒိုက်အား ယင်းကဲ့သို့ ဆောင်ရွက်ပေးရန် ကမ်းလှမ်းခဲ့ခြင်းဖြစ်ကြောင်း Mirror သတင်းစာက ဖော်ပြခဲ့သည်။
ဒီဘိုးဝါးက ဗန်ဒိုက်သည် အသင်းအတွက် အလွန်အရေးပါသူဖြစ်ပြီး ကစားသမားများအပေါ် စိတ်ဓာတ်မြှင့်တင်မှု ပြုလုပ်ပေးနိုင်သူဖြစ်ခြင်းကြောင့် ယခုကဲ့သို့ ခေါ်ယူခဲ့ခြင်းဖြစ်ကြောင်းလည်း သိရသည်။
ဗန်ဒိုက်သည် ၂၀၁၅ ခုနှစ်ကတည်းက လက်ရွေးစင်ဖြစ်ခဲ့သော်လည်း ယူရိုနှင့် ကမ္ဘာ့ဖလားပြိုင်ပွဲများကို ယှဉ်ပြိုင်ဖူးခြင်းမရှိသေးကြောင်းလည်း သိရသည်။
