spot_img

ရီးယဲလ်အသင်းမှထွက်ခွာလိုနေသည့် ဟာဇက်အား ခေါ်ယူရန် ရိုးမားအသင်းနည်းပြသစ် မော်ရင်ဟို အလိုရှိနေ

ရိုးမားအသင်းနည်းပြသစ် မော်ရင်ဟိုသည် ရီးယဲလ်အသင်းမှထွက်ခွာလိုနေသည့် ဘယ်လ်ဂျီယံဝါရင့် တောင်ပံကစားသမား ဟာဇက်ကို ခေါ်ယူရန် အလိုရှိနေကြောင်း စပိန်သတင်းစာ Deportes Cuatro က ဖော်ပြခဲ့သည်။

ဧပြီလ (၁၉)ရက်တွင် စပါးအသင်းနည်းပြရာထူးမှ ထုတ်ပယ်ခံခဲ့ရသည့် ပေါ်တူဂီလူမျိုးနည်းပြ မော်ရင်ဟိုသည် မေလ (၄)ရက်တွင် ရိုးမားအသင်းနည်းပြအဖြစ် (၃)နှစ်စာချုပ်ဖြင့် ခန့်အပ်ခံခဲ့ရပြီး ၂၀၂၁-၂၂ ရာသီမှ စတင်ကာ ကိုင်တွယ်မည်ဖြစ်ကြောင်း သိရသည်။

myan789

မော်ရင်ဟိုသည် ရိုးမားအသင်းတွင် ပထမဆုံးကစားသမားခေါ်ယူမှုအဖြစ် ချယ်လ်ဆီးအသင်းတွင် လက်တွဲခဲ့ဖူးသည့် ဟာဇက်ကို ခေါ်ယူလိုနေခြင်းဖြစ်ကြောင်း Deportes Cuatro က ဖော်ပြခဲ့ခြင်းဖြစ်သည်။

အသက် (၃၀)နှစ်အရွယ်ရှိ ဟာဇက်သည် ၂၀၁၉ ခုနှစ်တွင် ချယ်လ်ဆီးမှ ရီးယဲလ်အသင်းသို့ ပေါင်သန်း (၁၀၀) (ဆုကြေးများကို ထည့်တွက်ပါက ပေါင်သန်း ၁၃၀)ဖြင့် ပြောင်းရွှေ့လာခဲ့သူဖြစ်သည်။

သို့သော် ၎င်းသည် ရီးယဲလ်အသင်းတွင် ဒဏ်ရာပြဿနာများနှင့် ကြုံတွေ့နေရပြီး (၂)ရာသီအတွင်း ပြိုင်ပွဲစုံ (၄၃)ပွဲသာ ကစားနိုင်ခဲ့သလို၊ (၅)ဂိုးသာ သွင်းယူနိုင်ခဲ့သည်။

ထို့ကြောင့် ဟာဇက်သည် ရီးယဲလ်အသင်းပရိသတ်များ၏ လှောင်ပြောင်မှုများနှင့် ရင်ဆိုင်နေရပြီး ယခုနွေရာသီ အပြောင်းအရွှေ့ကာလတွင် အသင်းမှ ထွက်ခွာရန် ဆန္ဒရှိနေသည်ဟု စပိန်မီဒီယာများက ဖော်ပြနေကြသည်။

ရီးယဲလ်အသင်းအနေဖြင့်လည်း အသင်း၏ဘဏ္ဍာရေးပြဿနာကြောင့် လစာငွေများစွာပေးချေနေရသည့် ဟာဇက်ကို လက်လွှတ်ဖွယ်ရှိနေကြောင်း သိရသည်။

ဟာဇက်သည် ချယ်လ်ဆီးအသင်းတွင် မော်ရင်ဟိုနှင့် ၂၀၁၃ ခု နှစ်မှ ၂၀၁၅ ခုနှစ်အထိ လက်တွဲဖူးသူဖြစ်ပြီး မော်ရင်ဟိုလက်အောက်တွင် ထပ်မံကစားလိုကြောင်းဆိုထားသည်။

More News

Comments

LEAVE A REPLY

Please enter your comment!
Please enter your name here

LATEST SPORTS NEWS

Advertismentspot_img

Most Popular