နိုင်ငံတကာဘောလုံးဘုတ်အဖွဲ့(IFAB) သည် ဘော လုံးပွဲများတွင် လူစားလဲထည့်သွင်းခြင်းအား ယာယီအားဖြင့် (၅)ဦးသတ်မှတ်ထားသည်ကို ၂၀၂၂ ဒီဇင်ဘာ(၃၁)ရက်နေ့ အထိ ဆက်လက်ကျင့်သုံးရန် ခွင့်ပြုချက်ပေးခဲ့ကြောင်း သိရ သည်။ IFAB တာဝန်ရှိသူများသည် ပြီးခဲ့သည့်ရက်ပိုင်းက တွေ့ဆုံဆွေးနွေးရာ၌ ယင်းကိစ္စကို ထည့်သွင်းဆွေးနွေးခဲ့ကြ ပြီး ပြီးခဲ့သည့်သောကြာနေ့(မေ ၂၈ ရက်)က ၎င်းင်းတို့၏ ဆုံး ဖြတ်ချက်ကို အတည်ပြုကြေညာခဲ့သည်။
ကိုရိုနာဗိုင်းရပ်စ်ကပ်ဘေးကာလအတွင်း ပွဲများရပ်နား ခဲ့ပြီးနောက် ဘောလုံးပွဲများပြန်ကစားချိန်တွင် ပွဲစဉ်များဆက် တိုက်ဖြစ်ခဲ့ရာ ကစားသမားများ ဒဏ်ရာရရှိခြင်းကို လျော့ကျ စေရန်နှင့် ပွဲပန်းခြင်းကိုသက်သာစေရန် လူစားထိုးထည့်သွင်း ခြင်းအား ယခင်(၃)ဦးခွင့်ပြုထားရာမှ (၅)ဦးအထိခွင့်ပြုချက် ပေးခဲ့သည်။ ယင်းကဲ့သို့ (၅)ဦးလူစားလဲစနစ်ကျင့်သုံးခြင်း ကို ပြီးခဲ့သည့် ၂၀၂၀-၂၁ ဘောလုံးရာသီတွင် ဥရောပထိပ် တန်းလိဂ်ပြိုင်ပွဲအားလုံး၌ လိုက်နာကျင့်သုံးခဲ့သော်လည်း ပရီး မီးယားလိဂ်ပြိုင်ပွဲတွင်မူ ယင်းစနစ်ကိုအသုံးမပြုဘဲ ယခင် စနစ်ဟောင်းဖြစ်သည့် (၃)ဦးလူစားလဲစနစ်ကိုသာ ကျင့်သုံး ခဲ့သည်။ ၂၀၁၉-၂၀ ဘောလုံးရာသီက ကိုရိုနာဗိုင်းရပ်စ် ကြောင့် ပွဲစဉ်များရပ်နားပြီး ပြန်ကစားချိန်တွင် ပရီးမီးယား လိဂ်ပြိုင်ပွဲ၌ (၅)ဦးလူစားလဲစနစ်ကို ကျင့်သုံးခဲ့သော်လည်း ပြီးခဲ့သည့် ၂၀၂၀-၂၁ ဘောလုံးရာသီတွင် ယခင်စနစ်ဟောင်း (၃ ဦးလူစားလဲစနစ်) ကို ပြန်လည်ကျင့်သုံးခဲ့ခြင်းဖြစ်သည်။
ယင်းကိစ္စနှင့်ပတ်သက်၍ ပရီးမီးယားလိဂ်နည်းပြများ အကြား ကြီးမားသော သဘောထားကွဲလွဲမှုများရှိခဲ့သည်။ ဂွါဒီ ယိုလာ၊ ယာဂန်ကလော့ပ်အစရှိသော ပရီးမီးယားလိဂ်အသင်း ကြီးများ၏နည်းပြများက (၅)ဦး လူစားလဲစနစ်ကျင့်သုံးခြင်း ကို အလိုရှိကြသော်လည်း ကျန်ကလပ်အသင်းငယ်အများ စုကမူ ယင်းစနစ်မှာ အရန်ကစားသမားအင်အားတောင့်တင်း သော အသင်းကြီးများကို အသာရစေသဖြင့် ကျင့်သုံးရန်ဆန္ဒ မရှိဘဲ ယခင်(၃)ဦးလူစားလဲစနစ်ကိုသာ ကျင့်သုံးသင့်ကြောင်း တောင်းဆိုခဲ့ကြပြီး ပရီးမီးယားလိဂ်နည်းပြများအကြား အပြန် အလှန်ဝေဖန်ပုတ်ခတ်မှုများ ဖြစ်ပေါ် ခဲ့သည်။
သို့ုဖြစ်ရာ ပြီးခဲ့သည့် ၂၀၂၀-၂၁ ဘောလုံးရာသီတွင် (၅)ဦးလူစားလဲစနစ်ကျင့်သုံးခြင်းကို သုံးစွဲသင့်၊ မသင့် ပြိုင်ပွဲ ဝင်အသင်း(၂၀)က (၃)ကြိမ်တိုင် မဲခွဲဆုံးဖြတ်ခဲ့သည်။ နောက် ဆုံးအကြိမ် မဲခွဲမှုတွင် (၁၀)မဲ-(၁၀)မဲဖြင့် (၅)ဦး လူစားလဲစနစ် ကျင့်သုံးရန်အဆိုမှာ ဆက်လက်ရှုံူးနိမ့်ခဲ့ကြောင်း သိရှိရသည်။
ပရီးမီးယားလိဂ်တွင် လက်ရှိကျင့်သုံးနေသော စည်းမျဉ်းများကို ပြင်ဆင်လိုပါက အနည်းဆုံးပြိုင်ပွဲဝင် အသင်း(၃)ပုံ(၂)ပုံကျော် (၁၄ သင်း)က သဘောတူရမည်ဟုသတ်မှတ်ထားပြီး (၅)ဦး လူစားလဲစနစ်ကျင့်သုံးရန် လိုအပ်သောမဲအရေအတွက် မရ ရှိခဲ့ခြင်းဖြစ်သည်။ လီဗာပူးလ်အသင်းနည်းပြ ယာဂန်ကလော့ပ် ကမူ (၅)ဦးလူစားလဲစနစ်ကျင့်သုံးရန် မိမိတို့ ဖိအားပေး တောင်းဆိုနေခြင်းမှာ နည်းဗျူဟာတစ်ခုမဟုတ်ကြောင်း၊ က စားသမားများ ဒဏ်ရာရ၊ မောပန်းနွမ်းနယ်သည့်ပြဿနာ မဖြစ်ပေါ်စေရန်အတွက်သာ တောင်းဆိုနေခြင်းဖြစ်ကြောင်း ပြောကြားခဲ့သည်။
