၂၀၂၂ ကာတာကမ္ဘာ့ဖလားပြိုင်ပွဲအတွက် လက်မှတ်စောင်ရေ (၁.၈) သန်း ရောင်းချထားရကြောင်း ကမ္ဘာ့ဘောလုံး အဖွဲ့ချုပ် (FIFA)က ဗုဒ္ဓဟူးနေ့တွင် ထုတ်ပြန်ခဲ့သည်။
FIFA ၏ အထူးလက်မှတ်အမျိုးအစားကို အိမ်ရှင်အဖြစ် လက်ခံကျင်းပသည့် နိုင်ငံမှသာ ဝယ်ယူခွင့်ရှိသောကြောင့် လက်မှတ်စောင်ရေအများဆုံးကို ကာတာနိုင်ငံက ဝယ်ယူထားပြီး ကနေ ဒါ၊ အင်္ဂလန်၊ ပြင်သစ်၊ ဂျာမနီ၊ အိန္ဒိယ၊ ဆော်ဒီအာရေဗျ၊ စပိန်၊ ယူအေအီးနှင့် အမေရိကန်တို့မှာလည်း အများဆုံး ဝယ်ယူထား သည့်စာရင်းတွင် ပါဝင်နေသည်။
FIFA သည် ကာတာနိုင်ငံတွင် ကျင်းပမည့် ၂၀၂၂ ကမ္ဘာ့ဖလားပြိုင်ပွဲအတွက် လက်မှတ်စောင်ရေ သုံးသန်းအထိ ရောင်းချနိုင်ရန် မျှော်မှန်းထားသည်။
၂၀၂၂ ကမ္ဘာ့ဖလားပြိုင်ပွဲကို လာမည့် နိုဝင်ဘာလ (၂၁) ရက်မှ ဒီဇင်ဘာ (၁၈) ရက်အထိ ကာတာနိုင်ငံတွင် ကျင်းပမည်ဖြစ်သည်။
