ရီးယဲလ်မက်ဒရစ်အသင်း၏ နည်းပြဟောင်းဖြစ်သူ ဇီဒန်းသည် လာမည့် ၂၀၂၃ ခုနှစ်တွင် ပြင်သစ်လက်ရွေးစင်အသင်းအား ကို်င်တွယ်ရန်အသင့်ဖြစ်နေပြီး၊ ပြင်သစ်ဘောလုံးအဖွဲ့ချုပ် (FFF) အနေဖြင့် လက်ရှိကျင်းပနေသည့် ၂၀၂၂ ကမ္ဘာ့ဖလားတွင် ပြင်သစ် အသင်းဗိုလ်စွဲလျှင်ပင် လက်ရှိနည်းပြဒေးရွှမ့်၏နေရာ၌ ဇီဒန်းကိုအစားထိုးရန် စီစဉ်ထားပြီးဖြစ်ကြောင်း စပိန်အားကစားသတင်းစာ Mundo Deportivo ကဖော်ပြခဲ့သည်။
အသက် (၅၀)နှစ်အရွယ်ရှိ ပြင်သစ်လူမျိုးနည်းပြ ဇီဒန်းသည် ပြီးခဲ့သည့် ၂၀၂၁ ခုနှစ် မေလအတွင်း ရီးယဲလ်မက်ဒရစ်အသင်းနှင့် လမ်းခွဲပြီးနောက်ပိုင်းကတည်းက အသင်းလက်မဲ့ဖြစ်နေသူူဖြစ်ပြီး ၎င်းအား မန်ယူ၊ PSG၊ ဂျူဗင်တပ်စ်အစရှိသည့် ဥရောပထိပ်တန်းကလပ်အသင်းများ၏ ကမ်းလှမ်းမှုများကိုလည်း အကြိမ်ကြိမ်ငြင်းဆန်ခဲ့သူဖြစ်သည်။
စပိန်မီဒီယာများ၏ ဖော်ပြချက်အရ ဇီဒန်းအနေဖြင့် လာမည့် ၂၀၂၃ ခုနှစ်တွင် နည်းပြလောကသို့ ပြန်လည်ဝင်ရောက်ရန် ပစ်မှတ်ထားနေပြီး ကလပ်အသင်းတစ်သင်းသင်းအား ကိုင်တွယ်ရန်ထက် ၎င်းအတွက် တန်ဖိုးပိုကြီးမားသည့် ပြင်သစ်လက်ရွေးစင်အသင်းကိုသာ ကိုင်တွယ်ရန် ဆုံးဖြတ်ထား ပြီးဖြစ်ကြောင်း သိရသည်။
ဇီဒန်းသည် ပရော်ဖက်ရှင်နယ်နည်းပြဘဝ (၅)နှစ်ကြာကာလအတွင်း ရီးယဲလ်မက်ဒရစ်အသင်းတစ်သင်းတည်းကိုသာ ကိုင်တွယ်ခဲ့သူဖြစ်ပြီး အသင်းနှင့်အတူ ချန်ပီယံလိဂ် (၃)ကြိမ်ဆက်အပါအဝင် ဆုဖလား (၁၁)လုံးအထိ ရယူနိုင်ခဲ့သူ ဖြစ်သည်။ထို့ကြောင့် ဇီဒန်းအားနည်းပြအဖြစ် ခန့်အပ်ရန် ထိပ်တန်းအသင်းများစွာက ကြိုးပမ်းခဲ့သော်လည်း လက်ရှိအချိန်အထိ ခေါ်ယူနိုင်ခြင်းမရှိသေးသည့်အတွက် ဇီဒန်း၏ အနာဂတ် ရွေးချယ်မှုအပေါ် စိတ်ဝင်စားမှု မြင့်မားနေကြကြောင်း စပိန်အားကစားသ တင်းစာ Football Espana က ဖော်ပြခဲ့သည်။
လက်ရှိပြင်သစ်လက်ရွေးစင်အသင်းအား ကိုင်တွယ်နေသည့် ဒေးရွှမ့် (၅၄ နှစ်)သည် ပြီးခဲ့သည့် ၂၀၁၈ ကမ္ဘာ့ဖလားပြိုင်ပွဲတွင် ပြင်သစ်အသင်းအား ချန်ပီယံဆုရရှိအောင်စွမ်းဆောင်ထားနိုင်သူဖြစ်ပြီး၊ ၎င်း၏ ပြင်သစ်အသင်းမှာ လက်ရှိ ၂၀၂၂ ကမ္ဘာ့ဖ လားတွင်လည်း ချန်ပီယံရေပန်းစားမှု ဒုတိယနေရာတွင် ရပ်တည်လျက်ရှိနေသည်။
သို့ သော် ပြင်သစ်ဘောလုံးအဖွဲ့ချုပ်(FFF) တာဝန်ရှိသူများသည် ပြင်သစ်အသင်း ၂၀၂၂ ကမ္ဘာ့ဖလားချန်ပီယံဆုအား ရယူနိုင်လျှင်ပင် ဒေးရွှမ့်၏နေရာ၌ ဇီဒန်းအားအစားထိုးကာ ကြီးမားသည့်အနာဂတ်အပြောင်းအလဲတစ်ခုကို ပုံဖော်ရန်စီစဉ်ထားပြီးဖြစ်ကြောင်း Mundo Deportivo ကဖော်ပြခဲ့သည်။
ထို့ပြင် ပြင်သစ်လက်ရွေးစင်အသင်းအား ၂၀၁၂ ခု နှစ်ကတည်းက စတင်ကိုင်တွယ်ခဲ့သည့် ဒေးရွှမ့်အနေဖြင့်လည်း အသင်းနှင့်စာချုပ်သက်တမ်းကုန်ဆုံးမည့် ၂၀၂၂ ကမ္ဘာ့ဖလားအပြီးတွင် စာချုပ်သစ်ချုပ်ဆိုရန် ကြိုးစားမည်မဟုတ်ဘဲ အတွေ့အကြုံသစ်များရရှိရန်အတွက် ကလပ်အသင်းတစ်သင်းသင်းကို ပြောင်းလဲကိုင်တွယ်ရန် စီစဉ်ထားကြောင်း စပိန်မီဒီယာများက ဖော်ပြခဲ့ကြသည်။
 အနေဖြင့် လက်ရှိကျင်းပနေသည့် ၂၀၂၂ ကမ္ဘာ့ဖလားတွင် ပြင်သစ် အသင်းဗိုလ်စွဲလျှင်ပင် လက်ရှိနည်းပြဒေးရွှမ့်၏နေရာ၌ ဇီဒန်းကိုအစားထိုးရန် စီစဉ်ထားပြီးဖြစ်ကြောင်း စပိန်အားကစားသတင်းစာ Mundo Deportivo ကဖော်ပြခဲ့သည်။){kind=link}