ယူရို ၂၀၂၄ ပြိုင်ပွဲ ရဲ့ အုပ်စု အဆင့်ပွဲစဉ်တွေ ပြီးဆုံး သွားခဲ့ပြီ ဖြစ်ပြီး ဟန်ဂေရီ ၊ စကော့တလန် ၊ ခရိုအေးရှား ၊ အယ်ဘေးနီးယား ၊ ဆားဘီးယား ၊ ယူကရိန်း ၊ ပိုလန် ၊ ချက် အသင်း ၈ သင်း ကတော့ အိမ်ပြန် သွားရပြီ ဖြစ်ပါတယ် ။
၁၆ သင်း ရှုံးထွက် အဆင့်ကို အုပ်စု ပထမ ရ အသင်း ၆ သင်း ၊ အုပ်စု ဒုတိယ အသင်း ၆ သင်း ၊ အကောင်းဆုံး အုပ်စု တတိယ ၄ သင်း တို့ တက်ရောက်လာကြတာ ဖြစ်ပြီး ပွဲစဉ်ဇယား အရ စပိန် ၊ ဂျာမနီ ၊ ပြင်သစ် ၊ ပေါ်တူဂီ ၊ ဘယ်ဂျီယံ တို့ဟာ လမ်းကြောင်း တစ်ဖက်တည်း ကျရောက် နေပါတယ် ။
နာမည်ကြီး အင်္ဂလန် ၊ လက်ရှိ ချန်ပီယံ အီတလီ တို့ကတော့ လမ်းကြောင်း အနည်းငယ်ချောင်နေတာကို တွေ့ရပါတယ် ။ ၁၆ သင်း ရှုံးထွက်အဆင့် ပွဲစဉ်တွေ အဖြစ် စပိန် နှင့် ဂျော်ဂျီယာ ၊ ဂျာမနီ နှင့် ဒိန်းမတ် ၊ ပေါ်တူဂီ နှင့် ဆလိုဗေးနီးယား ၊ ပြင်သစ် နှင့် ဘယ်ဂျီယံ ၊ ရိုမေနီးယား နှင့် နယ်သာလန် ၊ ဩစတီးယား နှင့် တူရကီ ၊ အင်္ဂလန် နှင့် ဆလိုဗက်ကီးယား ၊ ဆွစ်ဇာလန် နှင့် အီတလီ တို့ ကစားကြမှာ ဖြစ်ပါတယ် ။
လက်ရှိ ယူရို ပြိုင်ပွဲမှာ အင်္ဂလန် အသင်း ရုန်းကန် နေရပေမယ့် Opta ရဲ့ စူပါ ကွန်ပြူတယ ခန့်မှန်းမှုမှာတော့ အင်္ဂလန် က ရေပန်း အစားဆုံး အသင်း အဖြစ် ရှိနေဆဲပါ ။ Three Lions တို့ဟာ ဗိုလ်စွဲဖို့ 19.98 % အထိ ရှိနေပြီး ကွာတားဖိုင်နယ် ရောက်ဖို့ 81.63% အထ် ရှိပါတယ် ။
အင်္ဂလန် ရဲ့ နောက်မှာတော့ စပိန် က 17.17 % နဲ့ ရှိနေပြီး ဂျာမနီ က 15.83 % ၊ ပြင်သစ် က 13.40% နဲ့ အသီးသီး ရှိနေကြပါတယ် ။ အဆိုပါ အသင်း လေးသင်း ရဲ့ နောက်မှာတော့ ပေါ်တူဂီ ၊ နယ်သာလန် ၊ အီတလီ ၊ ဩစတီးယား တို့က အစဉ်လိုက် ရှိနေကြပါတယ် ။
