CAS သည် မန်စီးတီးအသင်း ၏ အယူခံတင်သွင်းမှုကို ဇွန် ၈ ရက် မှ ၁၀ ရက်အထိ သုံးရက်ကြာ ကြား နာစစ်ဆေးခဲ့ပြီးနောက် အပြီးသတ် ဆုံးဖြတ်ချက်ကို ဇူလိုင် ၁၃ ရက် ဒေသစံတော်ချိန် နံနက် ၁၀ နာရီခွဲ (မြန်မာစံတော်ချိန် မွန်းလွဲ ၃ နာရီ) တွင် ဆုံးဖြတ်မည်ဖြစ်ကြောင်း ကြေညာထားသည်။
ဆွစ်ဇာလန်နိုင်ငံအခြေစိုက် အားကစားဆိုင်ရာခုံရုံး (CAS) သည် မန်စီးတီးအသင်း၏ ဥရောပပြိုင်ပွဲ ယှဉ်ပြိုင်ခွင့် နှစ်နှစ်ပိတ်ပင်ခံရသည့် ပြစ်ဒဏ်အတွက် အယူခံတင်သွင်းမှုကို ဇူလိုင် ၁၃ ရက် (မနက်ဖြန်) ဆုံးဖြတ်မည်ဖြစ်ကြောင်း သိရသည်။
CAS သည် မန်စီးတီးအသင်း ၏ အယူခံတင်သွင်းမှုကို ဇွန် ၈ ရက် မှ ၁၀ ရက်အထိ သုံးရက်ကြာ ကြား နာစစ်ဆေးခဲ့ပြီးနောက် အပြီးသတ် ဆုံးဖြတ်ချက်ကို ဇူလိုင် ၁၃ ရက် ဒေသစံတော်ချိန် နံနက် ၁၀ နာရီခွဲ (မြန်မာစံတော်ချိန် မွန်းလွဲ ၃ နာရီ) တွင် ဆုံးဖြတ်မည်ဖြစ်ကြောင်း ကြေညာထားသည်။ “မန်ချက်စတာစီးတီး ဘောလုံးကလပ်နှင့် ဥရောပဘောလုံးအဖွဲ့ချုပ် (UEFA) တို့အကြား ခုံ သမာဓိဆိုင်ရာ လုပ်ထုံးလုပ်နည်းနှင့် ပတ်သက်သည့် ဆုံးဖြတ်ချက်ကို ၂၀၂၀ ဇူလိုင် ၁၃ ရက် တနင်္လာနေ့ တွင် CAS က ကြေညာမည်ဖြစ်သည်” ဟု CAS က ထုတ်ပြန်ခဲ့သည်။
မန်စီးတီးအသင်းသည် ဘဏ္ဍာရေး မျှတစွာယှဉ်ပြိုင်မှု (FFP) စည်း မျဉ်းချိုးဖောက်မှုကြောင့် ၂၀၂၀-၂၀၂၁ နှင့် ၂၀၂၁-၂၀၂၂ နှစ်ရာသီ ဥရောပကလပ်အသင်းပြိုင်ပွဲများ ယှဉ်ပြိုင်ခွင့် ပိတ်ပင်ခံထားရသဖြင့် CAS ထံ အယူခံတင်သွင်းထားခြင်း ဖြစ်သည်။ မန်စီးတီးအသင်းသည် အသင်းပိုင်ရှင် ရှိတ်မန်ဆော်ပိုင် ဆိုင်သည့်ကုမ္ပဏီများနှင့် စပွန်ဆာ စာချုပ် ချုပ်ဆိုရာတွင် စာချုပ်တန်ဖိုး ကို တိုးမြှင့်ထားကြောင်း Football Leaks မှရရှိသည့် အချက်အလက် များကို ကိုးကား၍ ဂျာမနီနိုင်ငံထုတ် Der Spiegel မဂ္ဂဇင်းက ၂၀၁၈ ခုနှစ်တွင် ရေးသားဖော်ပြပြီးနောက် ဥရောပဘောလုံးအဖွဲ့ချုပ် (UEFA) က ပြန်လည်စစ်ဆေးခဲ့သည်။
UEFA ၏ ကလပ်ဘဏ္ဍာရေးထိန်း ချုပ်မှုဆိုင်ရာ တရားစီရင်ရေးအဖွဲ့ (CFCB) က ယင်းဖြစ်ရပ်ကိုစစ်ဆေး ရာ မန်စီးတီးအသင်းသည် ၂၀၁၂ မှ ၂၀၁၆ ခုနှစ်အတွင်း စပွန်ဆာ စာချုပ်မှရရှိသည့် ဝင်ငွေအတွက် စာရင်းတင်ပြရာတွင် အမှန်တကယ် ရရှိသည့်ပမာဏထက်ပို၍ တင်ပြထားကြောင်း စစ်ဆေးတွေ့ရှိခဲ့သောကြောင့် FFP စည်းမျဉ်းချိုးဖောက်မှု၊ ကလပ်လိုင်စင်စည်းမျဉ်းချိုးဖောက် မှု၊ FCB ၏ စုံစမ်းစစ်ဆေးမှုကို ပူးပေါင်းဆောင်ရွက်ရန် ပျက်ကွက်မှု များဖြင့် ဖေဖော်ဝါရီ ၁၄ ရက်တွင် ဥရောပပြိုင်ပွဲယှဉ်ပြိုင်ခွင့် နှစ်ရာသီ ပိတ်ပင်သည့်ပြစ်ဒဏ်နှင့် ဒဏ်ကြေး ယူရိုသန်း ၃၀ (ပေါင် ၂၇ သန်း) ချမှတ်ခဲ့ခြင်းဖြစ်သည်။
မန်စီးတီး အသင်းအနေဖြင့် အယူခံမအောင် မြင်လျှင် ယခုနှစ် ချန်ပီယံလိဂ်ပြိုင်ပွဲ တွင် အနိုင်ရဗိုလ်စွဲပါက ဥရောပစူပါ ဖလားပြိုင်ပွဲကိုပင် ယှဉ်ပြိုင်ခွင့်ရမည်မဟုတ်ကြောင်း သိရသည်။ ထို့ ပြင် ယခုရာသီ ပရီးမီးယားလိဂ်ပြိုင်ပွဲ၌ အဆင့် ၅ ရရှိသည့်အသင်း (လက် ရှိတွင် မန်ယူအသင်း) က ချန်ပီယံ လိဂ်ဝင်ခွင့်နေရာ အစားထိုးယှဉ်ပြိုင်ခွင့်ရမည် ဖြစ်သည်။
မန်စီးတီးအသင်း၏ အနာဂတ် မှာ CAS ဆုံးဖြတ်ချက်အပေါ်မူတည် နေသော်လည်း နည်းပြ ဂွါဒီယိုလာကမူ လာမည့်ရာသီ ချန်ပီယံလိဂ်ပြိုင် ပွဲတွင် ယှဉ်ပြိုင်ခွင့်ရမည်ဟုယုံကြည် နေကြောင်း ပြောကြားခဲ့သည်။ “ကျွန်တော်တို့ရည်မှန်းချက်က ချန်ပီယံလိဂ်ပြိုင်ပွဲမှာ ရာသီတိုင်း တတ်နိုင်သမျှ အကောင်းဆုံးကစားနိုင်ဖို့ပါ။ အဲဒါက တနင်္လာနေ့ကြောင့်မဟုတ်ပါဘူး။ တနင်္လာနေ့အကြောင်းပြောရရင် ကျွန်တော်ကတော့ တော်တော်လေး ယုံကြည်မှုရှိတယ်။ ဘာဖြစ်လို့လဲဆိုတော့ အသင်းရဲ့ အကျိုးသင့် အကြောင်းသင့် ဆွေးနွေးငြင်းခုံမှု တွေအကြောင်း ကျွန်တော်ကြားနေသလို သိလည်းသိလို့ပါ။ လာမယ့်ရာသီ ဒီနေရာမှာ ကျွန်တော်တို့ရှိနေမှာပါ။ ကျွန်တော့်ထင်မြင်ချက်ပေး ပြီးရင် ကလပ်က ကြေညာချက်ထုတ် ပြန်ပါလိမ့်မယ်” ဟု ၎င်းက ဆိုသည်။
