ရိုးမား – ဂျီနိုအာ (တနင်္ဂနွေညနေ ၆း၀၀ နာရီ)
ဒီနှစ်သင်းဆုံတွေ့ရင် သွင်းဂိုးတွေများလေ့ရှိပြီး လက်ရှိ အခြေအနေအရလည်း သွင်းဂိုးတွေများဦးမယ်ထင်တယ်။ အေ စီမီလန်ကို အိမ်ကွင်းမှာအရေးနိမ့်ပေမဲ့ ရိုးမားရဲ့တိုက်စစ်ကစား ပုံက ဆွဲဆောင်မှုရှိပြီး ဂျက်ကိုအပြင် အဆုံးသတ်သေချာမယ့် အထောင်တိုက်စစ်မှူးရှိရင် ဂိုးတွေပိုရလာပါလိမ့်မယ်။ ဂျီနိုအာ က နည်းပြသစ်ဘယ်လာဒီနီလက်ထက်မှာ ကစားပုံတိုးတက် လာလို့ (၂)ဂိုးပြတ်မရှုံးအောင် ကာကွယ်နိုင်မယ်ထင်တယ်။
ဗီရိုနာ – အေစီမီလန် (တနင်္ဂနွေည ၈း၃၀ နာရီ)
ဗီရိုနာက စီးရီးအေ Big Six အသင်းတွေကို ဒီရာသီမှာ ဒုက္ခပေးနေကျအသင်းပါ။ ဒီရာသီမှာ ရိုးမားနဲ့ နာပိုလီကို အနိုင် ရထားပြီး ပြီးခဲ့တဲ့တစ်ပတ်မှာ ဂျူဗင်တပ်စ်၊ ပထမအကျော့တုန်း က အေစီမီလန်တို့ကို သရေကစားထားနိုင်တယ်။ အေစီမီလန် က နောက်ဆုံးပွဲမှာ ရိုးမားကို အနိုင်ရထားပေမဲ့ ဟန်ချက်ပျက်နေ ပြီး အီဘရာဟီမိုဗစ်လည်း မပါဝင်နိုင်လို့ ရုန်းကန်ရဦးမယ်ထင် တယ်။ အေစီမီလန် အလွန်ဆုံးကပ်နိုင်ရုံပါပဲ။
ဖီအိုရင်တီးနား – ပါးမား (တနင်္ဂနွေည ၈း၃၀ နာရီ)
ပါးမားက ခြေစွမ်းအနည်းငယ်တိုးတက်လာပေမဲ့ နိုင်ပွဲ တွေနဲ့ ဝေးနေဆဲပဲ။ ခံစစ်ကို မပြင်ဆင်နိုင်သေးတာ ပါးမားရဲ့အား နည်းချက်ဖြစ်နေတယ်။ ရီဘာရီ ပြန်ပါလာချိန်မှာလည်း ဖီအိုရင် တီးနားတိုက်စစ် မတည်ငြိမ်သေးဘူး။ သရေကျဖို့များပါတယ်။
ခရိုတိုနီ – တိုရီနို (တနင်္ဂနွေည ၈း၃၀ နာရီ)
ခရိုတိုနီက နည်းပြသစ်ရောက်လာပေမဲ့ တန်းဆင်းဇုန်ထဲ ကနေ ရုန်းထွက်နိုင်မယ့်အခွင့်အရေးနည်းပါတယ်။ တိုရီနိုက လည်း တန်းမဆင်းရရေးအတွက် အမှတ်လိုအပ်နေပေမဲ့ လူမစုံ နိုင်သေးလို့ အမှတ်လျော့သွားနိုင်တယ်။ သရေကျမယ့်ပွဲပါ။
ဆမ်ဒိုးရီးယား – ကာဂလီယာရီ (တနင်္ဂနွေည ၁၁း၃၀ နာရီ)
ပွဲကျပ်နှစ်ပွဲရင်ဆိုင်ရလို့ ဆမ်ဒိုးရီးယား ရှုံးပွဲဆက်နေပါ တယ်။ နည်းပြ ရာနီရေးရီက ကွင်းလယ်နဲ့တိုက်စစ်ပိုင်းကို အ ပြောင်းအလဲတွေ လုပ်နေလို့လည်း ဆမ်ဒိုးရီးယားကစားပုံမတည် ငြိမ်ဘူးဖြစ်နေတယ်။ ကာဂလီယာရီက တန်းဆင်းဇုန်ထဲက ရုန်း ထွက်နိုင်အောင် အရေးပေါ်အမှတ်တွေ လိုအပ်နေတယ်။ ပြီးခဲ့ဲ တဲ့တစ်ပတ်မှာ နိုင်ပွဲရထားလို့လည်း ယုံကြည်ချက် ပြန်တည် ဆောက်ထားနိုင်ပါလိမ့်မယ်။ ကာဂလီယာရီ မရှုံးပါဘူး။
နာပိုလီ – ဘိုလော့ဂ်နာ (တနင်္လာနံနက် ၂း၁၅ နာရီ)
ဒဏ်ရာပြဿနာကြောင့် နာပိုလီ ယိမ်းယိုင်သွားပြီး နည်း ပြ ဂတ်တူဆိုရဲ့ အနာဂတ်လည်းမရေမရာဖြစ်သွားရတယ်။ အ ခုပွဲမှာလည်း အဓိကနောက်ခံလူ ကူလီဘလီ မပါဝင်နိုင်လို့ ဘို လော့ဂ်နာရဲ့တန်ပြန်တိုက်စစ်တွေကို သတိထားရဦးမယ်ထင် တယ်။ ဒါ့အပြင် ဘိုလော့ဂ်နာက အင်တာမီလန်နဲ့ အတ္တလန်တာ ပြီးရင် နောက်ဆုံး (၅)ပွဲမှာ Form အကောင်းဆုံးအဖြစ်ရပ်တည် နေလို့ နာပိုလီ အလွန်ဆုံးကပ်နိုင်ရုံပါပဲ။
