ဂရိကလပ် အိုလံပီယာကော့စ်အသင်းသည် ကိုလံဘီယာတိုက်စစ်က စားသမား ဟာမီးစ်ရိုဒရီဂွက်ဇ်ကို ပြောင်းရွှေ့ကြေးအလွတ်ဖြင့် ခေါ်ယူခဲ့ကြောင်း သိရသည်။
ဟာမီးစ်ရိုဒရီဂွက်ဇ်(၃၁ နှစ်)သည် ရီးယဲလ်အသင်းမှ ဘိုင်ယန်မြူးနစ်အသင်းထံ အငှားချခံခဲ့ရပြီးနောက် ၂၀၂၀ နွေရာသီတွင် အဲ ဗာတန်အသင်းထံ ပြောင်းရွှေ့ခဲ့သည်။
ထို့နောက် ၂၀၂၁ နွေရာသီတွင် ကာတာကလပ် အယ်လ်ရေယန်အသင်းထံ ပြောင်းရွှေ့ခဲ့ပြီး ယခုအခါ ယင်းအသင်းနှင့် စာချုပ်ဖျက်သိမ်းကာ အိုလံပီယာကော့စ်အသင်းထံ ပြောင်းရွှေ့ခဲ့ခြင်းဖြစ်သည်။
အိုလံပီယာကော့စ်အသင်းသည် ယခုနွေရာသီတွင် ဘရာဇီးလ်ဝါရင့် နောက်ခံလူ မာဆယ်လိုကိုလည်း ခေါ်ယူထားသောကြောင့် ရီးယဲလ်ကစားသမားဟောင်းနှစ်ဦး ပြန်လည်ဆုံတွေ့ရမည့် အခြေအနေလည်းဖြစ်သည်။
အိုလံပီယာကော့စ်အသင်းသည် ဟာမီးစ်ကို မူလက အငှားခေါ်ယူရန် စီစဉ်ခဲ့ခြင်းဖြစ်သော်လည်း အယ်လ်ရေယန်အသင်းက စာချုပ်ဖျက်သိမ်းပေးခဲ့သည့်အတွက် အပြီးသတ်ခေါ်ယူနိုင်ခဲ့ခြင်းဖြစ်ကြောင်း သိရသည်။
စာချုပ်နှင့်ပတ် သက်သည့် အသေးစိတ်အချက်များကို အိုလံပီယာကော့စ်အသင်းက ဖော်ပြခြင်းမပြုသော်လည်း ကျောနံပါတ် (၁၀)ပေးအပ်ကြောင်း ကြေညာခဲ့သည်။
