နာပိုလီအသင်းသည် နိုင်ဂျီးရီးယားတိုက်စစ်မှူး အိုဆင်မန်ကို သက်တမ်းတိုးစာချုပ်ချုပ်ဆိုနိုင်ရန် နီးစပ်နေပြီဖြစ်ကြောင်း သိရသည်။
အိုဆင်မန်သည် နာပိုလီအသင်းနှင့် လမ်းခွဲဖွယ်ရှိကြောင်း သတင်းထွက်ခဲ့ဖူးသလို၊ ၎င်းကို ခေါ်ယူရန် ပရီးမီးယားလိဂ်ထိပ်သီးအသင်းများစွာက စိတ်ဝင်စားနေကြသည်။
သို့သော် ယခုအခါ နာပိုလီအသင်းက ၂၀၂၆ ခုနှစ်အထိ သက်တမ်းရှိသည့်စာချုပ်(တစ်နှစ်ထပ်မံသက်တမ်းတိုးနိုင်သည့်အချက်ပါဝင်)ဖြင့် သက်တမ်းတိုးနိုင်ရန် နီးစပ်နေပြီဖြစ်ကြောင်း သိရသည်။
နာပိုလီအသင်းသည် အိုဆင်မန်၏ စာချုပ်တွင် ယူရိုသန်း(၁၃၀)တန် လျော်ကြေးစာချုပ်ကိုလည်း ထည့်သွင်းချုပ်ဆိုသွားမည်ဖြစ်ကြောင်း အီတလီမီဒီယာများက ဖော်ပြခဲ့သည်။
