၂၀၂၀-၂၀၂၁ ရာသီအတွက် အာဆင်နယ်အသင်း၏ အကောင်းဆုံးကစားသမားဆုကို အသက် ၁၉ နှစ်အရွယ် လူငယ်ကစားသမား ဆာကာက ဆွတ်ခူးရရှိခဲ့ကြောင်း သိရသည်။
ဘယ်တောင်ပံကစားသမားဖြစ်သူ ဆာကာသည် ပြီးခဲ့သည့်ရာသီတွင် ပြိုင်ပွဲစုံ ၄၆ ပွဲအထိ ကစားခွင့်ရခဲ့ပြီး ခုနစ်ဂိုးသွင်းယူကာ ဂိုးဖန်တီးမှုလည်း ၁၀ ကြိမ်ပြုလုပ်ပေးနိုင်ခဲ့သည်။
ထို့ကြောင့် ၎င်းအနေဖြင့် အာဆင်နယ်အသင်း ပရိသတ်များ၏ မဲပေးမှုတွင် ၅၁ ရာခိုင်နှုန်းအထိရရှိကာ တစ်ရာသီအကောင်းဆုံးကစားသမားဆု ဆွတ်ခူးရရှိခဲ့ခြင်းဖြစ်ပြီး တောင်ပံကစားသမား ပေပေက ၁၅ ရာခိုင် နှုန်းဖြင့် ဒုတိယ၊ ဘယ်နောက်ခံလူ တီယာနေး က ၁၄ ရာခိုင်နှုန်းဖြင့် တတိယရရှိခဲ့သည်။
ဆာကာသည် ယူရို-၂၀၂၀ ပြိုင်ပွဲ ယှဉ်ပြိုင်မည့် အင်္ဂလန်အသင်း အပြီးသတ်စာရင်းတွင်လည်း ရွေးချယ်ခံထားရသည်။
