ပြင်သစ်ကလပ် မိုနာကိုအသင်းသည် အာဆင်နယ်အသင်းမှ အမေရိကန်လက်ရွေးစင်တိုက်စစ်မှူး ဘာလိုဂန်အား ခေါ်ယူရန် ပုဂ္ဂိုလ်ရေးသဘောတူညီမှုရခဲ့ပြီဖြစ်ကြောင်း RMC Sports က ဖော်ပြခဲ့သည်။
အသက် ၂၂ နှစ်အရွယ်ရှိ ဘာလိုဂန်သည် ပြီးခဲ့သည့်ရာသီက ပြင်သစ်ကလပ် Reims တွင် တစ်ရာသီ အငှားဖြင့် သွားရောက်ကစားခဲ့ပြီး ပြိုင်ပွဲစုံ ၃၉ ပွဲတွင် ၂၂ ဂိုး သွင်းယူပေးခဲ့သည်။
သို့သော် အာဆင်နယ်အသင်းသည် ဘာလိုဂန်အား ယခုနွေတွင် ရောင်းထုတ်ရန် စီစဉ်နေပြီး ၎င်းကိုခေါ်ယူရန် မိုနာကိုနှင့် အင်တာမီလန်အသင်းတို့က စိတ်ဝင်စားနေကြောင်း သိရှိရသည်။
RMC Sports ၏ ဖော်ပြချက်အရ ယခုအခါ မိုနာကိုအသင်းသည် ဘာလိုဂန်အား ခေါ်ယူရန် ပုဂ္ဂိုလ်ရေးသဘောတူညီမှု ရရှိခဲ့ပြီဖြစ်ပြီး အာဆင်နယ်အသင်းနှင့် ပြောင်းရွှေ့ကြေး ညှိနှိုင်းရန်လိုတော့ကြောင်း သိရသည်။
မိုနာကိုအသင်းသည် ဘာလိုဂန်အတွက် ယူရို သန်း ၄၀ သာ ပေးချေလိုနေသော်လည်း အာဆင်နယ်က ၎င်းအတွက် ယူရိုသန်း ၆၀ အလိုရှိနေကြောင်း သိရသည်။
