အင်တာမီလန်အသင်းတိုက်စစ်မှူး လူကာကူက အသင်းဟောင်း ချယ်လ်ဆီးထံမှ သင့်လျော်သည့် ကမ်းလှမ်းမှုရရှိပါက လက်ခံပေးရန် တိုက်တွန်းထားကြောင်း သိရသည်။
ချယ်လ်ဆီးအသင်းသည် တိုက်စစ်မှူးဟောင်း လူကာကူကို ပြန်လည်ခေါ်ယူရန် ကြိုးပမ်းလျက်ရှိပြီး ယခုရက်သတ္တပတ်အစောပိုင်းတွင် ပေါင် (၈၅) သန်းဖြင့် ဒုတိယအကြိမ် ကမ်းလှမ်းမှုကို အင်တာမီလန်အသင်းက ပယ်ချထားသည်။
ယင်းကမ်းလှမ်းမှုတွင် ဘယ်နောက်ခံလူ အလွန်ဆိုကိုပါ အပြောင်းအရွှေ့တစ်စိတ်တစ်ပိုင်းအဖြစ် ထည့်သွင်းကမ်းလှမ်းထားကြောင်း Sky Italia သတင်းဌာနက ဖော်ပြခဲ့သည်။
လူကာကူက အင်တာမီလန်အသင်း၌ ပျော်ရွှင်နေကြောင်း အစောပိုင်းတွင် ပြောကြားထားသော်လည်း ယခုအခါ အသင်းဟောင်းသို့ ပြန်လည်ပြောင်းရွှေ့ရန် စဉ်းစားနေပြီး သင့်လျော်သည့်ကမ်းလှမ်းမှုရရှိပါက လက်ခံပေးရန် တိုက်တွန်းခဲ့ခြင်းဖြစ်သည်။
အင်တာမီလန်အသင်းသည် စီးရီးအေချန်ပီယံဆု ကာကွယ်ရမည်ဖြစ်သော်လည်း ဘဏ္ဍာရေးအခက်အခဲကြောင့် ညာနောက်ခံလူ ဟာကီမီကို ရောင်းချထားပြီးဖြစ်သလို လူကာကူအတွက် မက်မောလောက်ဖွယ် ကမ်းလှမ်းမှုရရှိပါက ရောင်းချဖွယ်ရှိနေသည်။
ချယ်လ်ဆီးအသင်းအနေဖြင့် ပေါင်(၉၄)သန်း (ယူရိုသန်း ၁၁၀) နှင့် ပေါင် (၁၀၂) သန်း (ယူရို သန်း ၁၂၀) ဝန်းကျင်အကြား တိုးမြှင့်ကမ်းလှမ်းပါက အင်တာမီလန်အသင်းဥက္ကဋ္ဌ စတီဗင်ကျန်းကို စည်းရုံးနိုင်ဖွယ်ရြှိကောင်းလည်း Sky Sports သတင်းဌာနက ဖော်ပြထားသည်။
လူကာကူ (၂၈ နှစ်)သည် ချယ်လ်ဆီးအသင်းတွင် ပြိုင်ပွဲစုံ(၁၅)ပွဲသာ ကစားခွင့်ရခဲ့သလို၊ ဂိုးလည်း မသွင်းနိုင်ခဲ့ပေ။
