တနင်္ဂနွေနေ့တွင် အန်ဖီး၌ လီဗာပူးကို ရင်ဆိုင်ရမည့်ပွဲအတွက် မန်ယူတွင် စိတ်ဓာတ်ရေးရာအရ ဦးဆောင်မည့်သူများရှိနေကြောင်း မန်နေဂျာတန်းဟက်က ထုတ်ဖော်ပြောဆိုလိုက်သည်။
ပြီးခဲ့သည့် ဘောလုံးရာသီတွင် ကလော့ပ်၏ လီဗာပူးသည် ကာရာဘောင်ဖလား ဗိုလ်လုပွဲတွင် ချဲလ်ဆီးကို အနိုင်ရပြီးနောက် သုံးလအကြာမေလတွင် အက်ဖ်အေဖလားဗိုလ်လုပွဲတွင် ချဲလ်ဆီးကို ထပ်မံရင်ဆိုင်ရာတွင် ယခုတစ်ကြိမ် တန်းဟက်ပြောဆိုသကဲ့သို့ပင် လီဗာပူးမန်နေဂျာက စိတ်ဓာတ်ရေးရာနှင့်ပတ်သက်၍ ဦးစားပေးပြောဆိုခဲ့သည်။
“ကျွန်တော်တို့အသင်းသားတွေရဲ့စိတ်ဓာတ်က ခြုံပြီးပြောရရင် သိပ်ကို ကောင်းမွန်နေတယ်လို့ ဆိုရမှာ ဖြစ်ပါတယ်။ အသင်းမှာလည်း စိတ်ဓာတ်ရေးရာအရ ဦးဆောင်နိုင်တဲ့ ကစားသမားတွေ အများကြီးရှိနေပါတယ်။ သူတို့က အသင်းရဲ့စိတ်ဓာတ်ရေးရာ အဆင့်အတန်းကို ကိုယ်တိုင်သတ်မှတ်သူတွေ ဖြစ်သလို လိုအပ်လာရင်လည်း စိတ်ဓာတ်ပိုင်းဆိုင်ရာ အပြောင်းအလဲ လုပ်ပေးပါတယ်။ ဒီအခြေအနေကို ကြိုက်ပါတယ်။ အသင်းရဲ့စိတ်ဓာတ်ပိုင်းက ပိုပြီးတောင်ကောင်းလာဖို့ ရှိနေပါတယ်”ဟု တန်းဟက်က ပြောဆိုလိုက်သည်။ မန်ယူသည်ပြီးခဲ့သည့်ဩဂုတ်လတွင် လီဗာပူးကို အိုးထရက်ဖို့၌ ၂-၁ ဖြင့်အနိုင်ရခဲ့သည်။
