ချဲလ်ဆီးနည်းပြ မာရက်စ်ကာက အင်္ဂလန်အသင်းဟာ မိမိတို့အသင်းရဲ့ဂိုးနည်းပြ နဲ့ စွမ်းဆောင်ရည်ပိုင်းနည်းပြတွေကို ချဉ်းကပ်ခဲ့တယ်လို့ အတည်ပြုလိုက်ပါတယ်။
အင်္ဂလန်ဟာ တူချယ်ကို ခန့်အပ်ခဲ့တာဖြစ်ပြီး လာမယ့် ၂၀၂၅ ဇန်နဝါရီမှာ အသင်းကို စတင်ကိုင်တွယ်မှာဖြစ်ပါတယ်။
ဂျာမန်သားဟာ ချဲလ်ဆီးအသင်းဝန်ထမ်းဟောင်းတွေကို ပစ်မှတ်ထားခဲ့တယ်လို့ သိရပါတယ်။ သတင်းတွေအရ တူချယ်ဟာ ချဲလ်ဆီးဂိုးနည်းပြဟောင်း ဟီလာရီယို နဲ့ စွမ်းဆောင်ရည်နည်းပြ ဂျိမ်းစ်တို့ကို ချိတ်ဆက်ခဲ့တာဖြစ်ပါတယ်။
အခုချိန်မှာ မာရက်စ်ကာ အဆိုပါအနေအထားတွေကို ထုတ်ဖော်ပြောကြားလာခဲ့ပါတယ်။ “သူတို့ကို အင်္ဂလန်အသင်းချဉ်းကပ်ခဲ့တယ်ဆိုတာ ကျွန်တော်သိပါတယ်။ ဒီအခွင့်အရေးအတွက် ထွက်ခွာချင်တဲ့သူတွေကို လမ်းဖွင့်ထားပါတယ်။
ဟီလာရီယိုကိုတော့ ချဉ်းကပ်မှုမရှိသေးဘူးဆိုတာ ကျွန်တော် ကြားထားပါတယ်။ အဲ့တာက ကျွန်တော်သိတဲ့တစ်ခုတည်းသောအရာပါ။ အခွင့်အရေးအတွက် လူတိုင်းကထိုက်တန်သလို အဲ့အတွက်လည်း စိတ်ရှင်းရှင်းထားပါတယ်။
သူတို့ဆက်နေခဲ့ရင် ကျွန်တော်တို့ပျော်ရွှင်မှာဖြစ်သလို ထွက်ခွာချင်ရင်လည်း လမ်းဖွင့်ပေးထားပါတယ်”လို့ မာရက်စ်ကာက ပြောကြားခဲ့ပါတယ်။
တူချယ်ရဲ့အင်္ဂလန်အသင်းအနေအထားဟာ မေးခွန်းထုတ်စရာတွေရှိနေပြီး တော်တော်များများကတော့ ဂျာမန်သားဟာ အင်္ဂလန်အတွက် မှန်ကန်တဲ့နည်းပြလားဆိုတာကို မေးခွန်းထုတ်နေကြပါတယ်။
ဘိုင်ယန်နည်းပြဟောင်းဟာ လက်ရှိမှာ လက်ထောက်နည်းပြ အန်တိုနီနဲ့အလုပ်တွဲလုပ်နေပြီး ဟီလာရီယိုကိုခေါ်ယူဖို့ ပြင်ဆင်နေပါတယ်။
တူချယ်ဟာ ယခင်တုန်းက ချဲလ်ဆီးမှာ ဟီလာရီယိုနဲ့ ၈ နှစ်ကြာ အလုပ်တွဲလုပ်ခဲ့သေးတာဖြစ်ပါတယ်။ ချဲလ်ဆီးဟာ အခုညမှာ ထိပ်ဆုံးနေရာက လီဗာပူးအသင်းနဲ့အန်ဖီးလ်မှာ ရင်ဆိုင်ရမှာဖြစ်ပါတယ်။
