မန်ချက်စတာယူနိုက်တက်အသင်းရဲ့ နည်းပြဖြစ်တဲ့ အဲရစ်တန်ဟက်ဂ်က အသင်းရဲ့ပြင်သစ်တိုက်စစ်မှူး အန်တိုနီမာစီယဲလ်ရဲ့အနာဂတ်နဲ့ ပတ်သက်ပြီး အတည်ပြုပေးဖို့ကို ငြင်းဆန်ခဲ့တယ်။
အန်တိုနီမာစီယဲလ်က မန်ချက်စတာယူနိုက်တက်အသင်းကို မျှော်လင့်ချက်အပြည့်၊ အိပ်မက်အပြည့်နဲ့ ရောက်လာတဲ့ ကစားသမားဖြစ်သလို၊ မန်ချက်စတာယူနိုက်တက်အသင်းကလည်း ဒီကစားသမားကို အရမ်းအားကိုးခဲ့ဖူးတယ်။ ဒါပေမဲ့ မာစီယဲလ်ရဲ့အချိန်က ရောက်မလာခဲ့ဘူး။ စောင့်နေရင်း၊ စောင့်နေရင်းနဲ့ အခြားအသင်းတွေက ကစားသမားတွေလည်း သူ့ကို ကျော်တက်ကုန်ပြီ။ မန်ချက်စတာယူနိုက်တက်အသင်းက ကစားသမားတွေလည်း သူ့ကို ကျော်တက်ကုန်ပြီ။ အန်သိုနီမာစီယဲလ်က ဖြစ်မလာခဲ့ဘူး။ အခု ဒီကစားသမားက မန်ချက်စတာယူနိုက်တက်မှာ ဆက်ရှိပါဦးမလားလို့ သတင်းထောက်တွေက မေးလာတယ်။ ဒါပေမဲ့ အသင်းနည်းပြဖြစ်တဲ့ အဲရစ်တန်ဟက်ဂ် ကိုယ်တိုင်က မာစီယဲလ်ရဲ့အနာဂတ်ကို ငြင်းဆန်လိုက်တဲ့အခါ သူက အခုဆိုအဆုံးသတ်သွားပြီလားလို့ တွေးစရာဖြစ်လာတယ်။
