အက်ဖ်အေဖလားဗိုလ်လုပွဲကို လွဲချော်မည်ဖြစ်သောမာစီရယ် နှင့် ပါဝင်နိုင်ရန် မသေချာဖြစ်နေသော အန်ထော်နီ

မန်ယူအသင်းတိုက်စစ်မှူး မာစီရယ်သည် လာမည့်စနေနေ့တွင် မန်စီးတီးနှင့် ကစားမည့် အက်ဖ်အေဖလား ဗိုလ်လုပွဲတွင် ပါဝင်ကစားနိုင်မည်မဟုတ်ကြောင်း မန်ယူအတွက် ထိုးနှက်ချက်တစ်ခုဖြစ်ကြောင်း သတင်းများက ဖော်ပြသည်။

ဖူလ်ဟမ်နှင့် ကစားသည့် ပရီးမီးယားလိဂ်နောက်ဆုံးပွဲစဉ်တွင် မာစီရယ်သည် ကြွက်သားဆုတ်ပြဲသည့် ဒဏ်ရာရရှိခဲ့ခြင်းဖြစ်သည်။ မန်ယူအသင်းကလည်း မန်စီးတီးနှင့်  ကစားမည့်ပွဲတွင် မာစီရယ် မပါဝင်နိုင်ကြောင်း တရားဝင်ထုတ်ပြန်ကြေညာခဲ့သည်။

myan789

“ဆေးစစ်ချက်တွေအရ မာစီရယ်ရဲ့ ဒဏ်ရာက ကြွက်သားဆုတ်ပြဲသွားတာဖြစ်ပြီး အသက် ၂၇ နှစ်အရွယ် ကစားသမားက ဝင်ဘလေမှာ ကစားတဲ့ပွဲမှာ ပါဝင်နိုင်မှာမဟုတ်ပါဘူး”ဟု မန်ယူကတရားဝင် သတင်းထုတ်ပြန်ခဲ့သည်။ မန်ယူ၏ အခြားတိုက်စစ်ကစားသမားတစ်ဦးဖြစ်သော အန်ထော်နီမှာလည်း ချဲလ်ဆီးနှင့်ပွဲတွင် ဒဏ်ရာရရှိထားပြီး မန်စီးတီးနှင့် ကစားရမည့်ပွဲတွင် ပါဝင်နိုင်မည်လားဆိုသည်ကို တန်းဟက်က စိုးရိမ်တကြီးစောင့်ကြည့်နေရသည့် အနေအထားတွင် ရှိနေသည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular