မန်စီးတီးအသင်း၏နည်းပြဖြစ်သူ ဂွါဒီယိုလာက အကောင်းဆုံးအသင်းတစ်သင်းအဖြစ် သတ်မှတ်နိုင်ရန် ချန်ပီယံလိဂ်ဖလား ယူပြရမည်ဖြစ်ကြောင်း ကစားသမားများအား သတိပေးပြောကြားခဲ့သည်။
”ခြောက်နှစ်မှာ ချန်ပီယံဆုကို ငါးကြိမ်ရယူနိုင်မယ်လို့ မတွေးထားပါဘူး။ ကျွန်တော်တို့အနေနဲ့ တစ်စုံတစ်ခု ထူးထူးခြားခြားလုပ်နိုင်ခဲ့ပြီလို့ ခံစားမိပါတယ်။ ဒါပေမဲ့ အကောင်းဆုံးအ သင်းတွေထဲက တစ်သင်းအဖြစ် မှတ်ယူနိုင်ဖို့ဆိုရင်တော့ ချန်ပီယံလိဂ်ဖလားကို ရယူနိုင်ရပါမယ်။ အဲဒီလိုမဟုတ်ဘူးဆိုရင် ပြီးပြည့်စုံမှာ မဟုတ်ပါဘူး။ ကစားသမားတွေအနေနဲ့ အောင်ပွဲခံလို့ရပါတယ်။ ဒါပေမဲ့ ရှေ့မှာကစားရမယ့် ဗိုလ်လုပွဲတွေအတွက် စိတ်ပိုင်းဆိုင်ရာ အနားပေးရမယ့်အချိန် ရောက်ပါပြီ။ ကျွန်တော်တို့ နောက်ထပ်နှစ်ပွဲ (ပရီးမီးယားလိဂ် လက်ကျန်ပွဲ) ကစားဖို့ ကျန်သေးပြီး ဗိုလ်လုပွဲတွေအတွက် အဆင်သင့်ဖြစ်အောင် ကြိုးစားရပါမယ်။ ခရီးအရှည်ကြီးသွားခဲ့ရလို့ ကျွန်တော်တို့ နည်းနည်းပင်ပန်းနေပြီလို့ ခံစားမိပါ တယ်”ဟု ဂွါဒီယိုလာက သတင်းစာရှင်းလင်းပွဲတွင် ပြောကြားခဲ့သည်။
မန်စီးတီးအသင်းသည် ပရီးမီးယားလိဂ်လက်ကျန်ပွဲအဖြစ် မေ ၂၄ ရက်တွင် ဘရိုက်တန်နှင့် အဝေးကွင်း၊ မေ ၂၈ ရက်တွင် ဘရန့်ဖို့ဒ်နှင့် အဝေးကွင်း၊ FA ဖလား ဗိုလ်လုပွဲအဖြစ် ဇွန် ၃ ရက်တွင် ဝင်ဘလေကွင်း၌ မြို့ခံပြိုင်ဘက် မန်ယူအသင်း၊ ချန်ပီယံလိဂ်ဗိုလ်လုပွဲအဖြစ် ဇွန် ၁၀ ရက်တွင် တူရကီနိုင်ငံ အစ္စတန်ဘူလ်မြို့ ၌ အင်တာမီလန်အသင်းနှင့် ယှဉ် ပြိုင်ကစားရမည်ဖြစ်သည်။
မန်စီးတီးအသင်းအနေဖြင့် FA ဖလားနှင့် ချန်ပီယံလိဂ်ပြိုင်ပွဲတွင် ထပ်မံဗိုလ်စွဲခဲ့လျှင် ၁၉၉၈-၉၉ ရာသီက မန်ယူအသင်းရရှိခဲ့သည့် တစ်ရာသီအတွင်း ဖလားသုံးလုံးချန်ပီယံမှတ် တမ်းကို အမီလိုက်နိုင်မည်ဖြစ်သည်။
